المساعد الشخصي الرقمي

مشاهدة النسخة كاملة : مقتطفات---- مشاركه ثالثه


بندر سعد الروقي
14-07-10, 11:55 AM
السلام عليكم ورحمة الله وبركاته
ابيات من بعض قصائدي اضعها بين ايديكم

مقتطفات بندريه

قالو تعبت وقلت لاباس لاباس
قلبي على جور اليالي عصامي
ماني وانا بندر بخبلن وبلاس
ولاني بترفن مابجسمه عظامي
ذيبن على اليابس وبالجو قرناس
وضاري على شيل الحمول الجسامي
كم مرة" فكرت بتعطيل الأحساس
بقطع فيافي الكون لو كنت ضامي
=========================
يابن جهز جهزلنا الجيب و الشاص
وجهز لنا البندق وطيرن نداوي
وجهز لنا السمان وحطه بالأقفاص
وهون على بناخيك بعض البلاوي
ياخال انا شفي معك يوم مقناص
خذني معك ياخالي ان كنت ناوي
ماني وانا بندر يعاصن ولد عاص
انا اخاف الله ولكن هواوي
انا احب الطير والهيل وخلاص
واهوى القصيد اللي لجرحي يداوي
===========================
ماني وانا بندر بكاذب وبلاس
انا الحصان اللي اثبت كلامي
لاضاق صدري من تدابير هالناس
اشهر كما يشهر سبوقن قطامي
فوق الساحيب ارتفع اخذ انفاس
واشوم وافرض هيبتي واحترامي
==========================
يقول بندر يشتكي من صوابه
همن يشيله فوق ومهمن يوطيه
وش حال قلب" صار نبضه عذابه
والنبض زايد والمواجع تعنيه
نبضه تجر الروح وتسلب شبابه
ونبضه تتل القلب بكامل اواعيه
من صدة اللي ماتعود غيابه
منها بدا جرحه وضاعت رجاويه
=========================
قال الفتى بندر بحكم المحبين
من خان عهد الحب ماعنده احساس
الظاهر ان الناس صارو ثعابين
وافعالهم ياحيف ماترفع الراس
حتى العذارى اليوم جن وشياطين
تلعب على الحبلين ملعونة الساس
=========================
ماني وانا بندر بنساي مافات
انا احسب الوقفات وادمح زللها
ياكثر ماعندي مع الناس وقفات
وياكثر ناسن بيننا محتملها
وياكثر مقطع بالخرايم مسافات
حتى تطيب الروح وتشفى عللها

========================
ياطير ياللي ماتعرف الملاويح
ولا علفك صقار وصيدك خلاوي
لاضاق صدرك تجرح الجو تجريح
مثل الجروح اللي بصدر الهواوي
ان طعتني ياطير لاتنوي مريح
اكفخ على ماكرك قبل البلاوي
واحذر تطق الحوم عند المشافيح
ثم يشبكك مشفوح ماهوب ياوي
ثم يجلبك للسوق يبغى المرابيح
وماينفعك بعدين كثر المناوي
ماني وانا بندر مدور مصاليح
احب اشوفك مرتفع ومتساوي
عينك تذكرني العيون الذوابيح
عين الهنوف اللي لها القلب هاوي

ملاحظه/ البندريات مجرد ابيات من قصائد طويله
وسلامتكم

توته
14-07-10, 01:21 PM
شامخ بمقتطفاتك .. كشموخ نفسك .. الأبية .. ونعم مليون .. وصح لسانك ..

الــمُــنـــى
14-07-10, 08:41 PM
/
\

عذب هو شموخ الذات ..
والأعذب منه تحليها بالخصال الحميدة ..

القدير .. بندر سعد الروقي

سعداء بحضورك وسعادتنا ستكتمل بتواجدك
بين حروف أخوتك وأخواتك ..
وأهلا وسهلا بك مجددا
دمت بود

نايف الشمري
15-07-10, 12:03 AM
ونعم فيك

قول وفعل ..

هي ليست مقتطفات

بل هي درر ثمينه

لايستطيع الوصول اليها وامتلاكها

الا من كان ماهر وذو خبره


بندر ..

بربك لاتطل غيابك

فشاعر مثلك نتطلع ونأمل منه الكثير

مليون صح لسانك

جل التقدير والاحترام

الوردة الظامية
17-07-10, 12:19 AM
بندر ..

صح لسانك وماأجملها من مقتطفات تحمل بين جنباتها الشموخ والعزة ..

دمت متألقاً ..

نايف الشمري
22-07-10, 05:22 PM
دائما ً أجد نفسي هنا بين هذه الدرر

فأحببت ان تكون في أعلى القسم

نسيتك فديتك
23-07-10, 06:14 AM
كلمااات جميله بصراحه..

لحضات حزينه
29-07-10, 06:45 PM
صح لسانك

انتظر جديدك من الشعر

بندر سعد الروقي
07-01-11, 05:43 AM
شامخ بمقتطفاتك .. كشموخ نفسك .. الأبية .. ونعم مليون .. وصح لسانك ..

هلابك
وماعليك زود يانقيه
وصح قلبك وروحك
اسعدني مرورك كثيرا"
همسه:
اسف للتأخير على الرد
كنت قانص
وابشركم صيدي سبع حباري لطيوري
سلمان ومظلوم وعذاب
انا مستانس ومبسوط
ادام الله عليكم السعاده دوم
امين
كونو بخير
بااااااااااااااااي
عساني فدوه لعين مظلوم
وضحكه عريضة المنكبين
هههههههههههههههههه

طير المدينة
22-01-11, 12:30 AM
صح لسانك
والنعم فيك
بندريات راقت لي
بجزالتها وبجزالت صاحبها
دمت بود

طير المدينة

خالد العبدالله
22-01-11, 01:07 PM
السلام عليكم

أخوي بندر الروقي

عليك السلام ورحمة الله وبركاته


::



ماقرأته هنا جميل بكل ماتحمل هذه الكلمة من صدق ..
تروق لي جدا" .. لأني أراها كـ ( محاوره ) خفيفه بينك وبين أحدهم
وأحيانا" بيك وبين نفسك ..
لذلك أنا أتلذذ عند قراءة كهذه القصائـد


::




كم مرة" فكرت بتعطيل الأحساس
بقطع فيافي الكون لو كنت ضامي

+


نبضه تجر الروح وتسلب شبابه
ونبضه تتل القلب بكامل اواعيه



أنا أرى في الشطرين اللي تحتهن خط .. أرى هناك ثقلا" فيها

ورغم ذلك .. فالجمال طاغي وخالق الكعبـه
مبروك ماجاك .. والله يجعلها ماهي آخر نفعة طيوركـ

ماودك تذوقنا عاد !!













خ.ألـد

بندر سعد الروقي
08-04-12, 10:48 AM
هلا بالجميع


يسعدني نقد البعض>> لأنه نقد نقي وهادف
الوكاد:
كونو بخير
انا واثق من شعري ووزن قصيدي
لا خلا ولا عدم
همسه: ارجو مراعاة اختلاف الهجات
ودي للجميع

يوسف
10-04-12, 08:01 AM
ابيات في قمة الروعة
واعتقد انها قطرات من بحر البندر ،،
ننتظر تتحفنا بالقصائد كاملة ،،

بندر سعد الروقي
28-02-13, 03:30 AM
سلاااااااااااام
منورين
عوده حميده لي

انا سعيد يتواجدكم
وتسلمون

لا خلا ولا عدم