المساعد الشخصي الرقمي

مشاهدة النسخة كاملة : بنـت رجــال ..


الوردة الظامية
18-12-10, 12:33 PM
...

أنا عزيزة وشـامخة وبنت رجــال
........... ورثت عزي من أبويه وجدي


لي رقة الأنثى وبي قلب الأطفال
........... ومن قسوة الدنيا عشقت التحدي


ماهمـني جـمع الـدراهم والأمــوال
.......... أقدم المــعروف من غيــر ردي


أسوق طيب النفس في كل الأحوال
......... ولا ضرني من حاول يكون ضدي


من طيبتي غديت مضرب للأمثال
.......... ومن الكرم والجود وصلت حدي


مهما وهبت من العطايا والأفعال
.......... أمـوت مابيـحت في يـوم سدي


أسعى بهالــدنيا وأنا كلي آمال
.......... إن الله يحـقق مـرادي وودي .



... الــوردة الظـاميــة ...

مجرد وهم...
18-12-10, 02:42 PM
غاليتي الوردة الظامية
صح لسانك ولاهنتِ
ابيات جميلة كله شموخ .. ونعم فيك ,,,
مجرد وهــــــم,,

توته
18-12-10, 02:55 PM
أظنني ما كذبت يوم قلت .. يحق لك الشموخ .. سقا الله وردك بالعز دوما دنيا وآخرة ..

صح لسانك ..

الوردة الظامية
18-12-10, 11:20 PM
غاليتي الوردة الظامية
صح لسانك ولاهنتِ
ابيات جميلة كله شموخ .. ونعم فيك ,,,
مجرد وهــــــم,,


مجرد وهم ..

صح قلبك وبدنك

وماعليك زود

أسعد الله قلبك ..:7

مــنــــــآل
18-12-10, 11:24 PM
والنعم والله فيك يابنت الرجال
صح لسانك .. كلمات مفعمة بالثقة والشموخ
رائعة ..

الوردة الظامية
22-12-10, 10:01 PM
أظنني ما كذبت يوم قلت .. يحق لك الشموخ .. سقا الله وردك بالعز دوما دنيا وآخرة ..

صح لسانك ..


توته النقية ..

شموخي الأكثر كونك بالقرب غاليتي

سقاك الله وإيانا من حوض نبيه صلى الله عليه وسلم ..

كوني بأمان ..