|
هلا بك اخوي الصوت المسموع
ليش انكسرت القصيده كل واحد ولهجته { تقصد مابوه } صح؟ تراني مااعرف القصيد عدل اجل السكوت افضل البركه بالغير |
الكسر في هذا الشطر
هذا ولد عمنا وهذا ولد خال الصحيح /هذا ولد عم ٍ وهذا ولد خال بعدين عادي يا ام نايف انتي تخطين وحنا نصلح مافيها شي |
مو مشكله اخوي
دام انه واضح ولد العم ولد الخال بكيف التكسير بس اوعدك ماني متكلمه بها المواضيع ولاني قايله بيوت !!!!!!!!!! |
أم نايف
يسعد صباحك و مساك و الله اني جداً مبسوطة من كلامك انسانة على سجيتها لا تشيل هم شو تقول اللي بخاطرها تقوله و خلاص انا هنا اتابعك و اتابع جمال حرفك و نفسك لميــاء! |
اقتباس:
و الله إنك رهيبة ! دام ان المعلومة واضحة ما عليه من كسر القصيدة و الله انتي " سكرة " موضوعك هذا " بسمة المنتدى " |
هلابك اختي اللمياء مره ثانيه
بس وين رايحه ودنا نسمع منك اي شي قصيده بلهجتك 0 او خاطره صغيره 0 لانك فعلا سيدة دار قطرات لانك انتي هنا معطره جونا { طربينا باللهجه المصريه } لهجة النيل ولكي الشكر |
يالبى قلبك يالمياء والله خجلتيني
كان اسمي الحقيقي ظهر والله انتي سكره 0 وبسمة المنتدى يارائعه |
يا اسكندريه بحرك عجايب ياريت ينوبني م الحب نايب تحدفني موجه على صدر موجه والبحرهوجه والصيد مطايب أغسل هدومي وأنشر همومي على شمسه طالعه وأنا فيها دايب كأني فلاح في جيش عرابي مات ع الطوابي وراح في بحرك كأني نسمه فوق الروابي م البحر جايه تغرق في سحرك من كلمات أغاني الشيخ إمام و هو مشهور بأغانيه الوطنية العامية الجميلة * * * * * نفسي اليوم أنام بدري يعني الساعة 12 أكون في سابع نومة ... نفسي بجد السهر قتلني ! لميــاء! |
الله الله عليك اختي لمياء
صراحه جناااااااااااان بس انا ضحكت ضحكه ههههههههههه عن جد يوم قلتي {مات ع الطوابي } توقعتها ماث لان كان فيه زي النقطه الخفيفه على شاشه الكمبيوتر هههههههههه0 وقت مانزلت شوي شفتها مات 00يعني ضيعت الطريييق وان شاء الله تنامين بدري وتحلمين في جمعتنا اللي بالبر وتذكرين الشاي والقهوه والقدوووووووع0 اتحداك يالمياء تعرفين وش معنى القدوع عندنا بالسعوديه يلله هذا لغز 00 |
http://dc04.arabsh.com/i/00890/704885d1wsu1.jpg
بكتب قصيده لابني الصغير { مساعد } اتمنى انها تعجبكم 0 سلامي يامساعد عليك السلاما 00 عداد ماخط القلم بالقراطيس وعداد من لبى وصلى وصاما 00 وعداد مايرزق جميع المفاليس لاغبت عني مهنتني بالمناما 00 وعفت المنام ولازمتني الهواجيس ومن قطرات اهديك احلى الكلاما 00 ابيات اسستها على خير تاسيس |
صراحه عجبتني قصيده { منقوله } وعجبتني مره وحبيت اطرحها هنا ويمكن تكونون شايفينها قبل 00
يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني 0 ****************** |
على بالي أرتاح
ما رحت الشغل اليوم ضغطي منخفض و أشعر بدوار من الصباح الباكر! |
سلامتك يالغاليه الف سلامه
وماتشوفين شر بس لاتنسين تعودين علينا عشان نتطمن عليك 00 تحياتي |
والله الموضوع حلو يا ام نايف يونس
امممممممممممم ... شنو افكر فيه وشنو ابي اسوي شغلات وايد منهم اني الحين ابي اروح ادرس والله قهر علي ثلاث امتحانات ( راح يقولون شنو الياهل الي معانا ) وبعدين ابي انام لان لازم على طلاب المدارس انهم يقومون مبجر طبعا راح تطلع لكم مصطلحات واخطاء املائيه يعني نص راح يفهمها ونص لا بس عادي وشكرا على الموضوع يا احلا ام نايف بـــــــــحــــــــور .... |
هلا وغلا
هلا والله بالغاليه بحور اشوف من بعيد زول جاينا من سماء الكويت هلابك مره ثانيه بس وين هالغيبه والطله ترا كلنا ننتظرك ونتظر قلمك 00 والف شكر على قطع المسافه البعييييييييده وعلى فكره الطالب لازم ينام بدري عشان يصحى بدري 0 ودمتي بخير |
القهوه خلصت والهيل خلص
مدري ياربي وين راح كومار 00 فشيله هلحين العرب جايين ولسه ماسوينا القهوه** بروح انا وخواتي نتمشى على ضوء القمر0 وبعدين نجيب قهوه معنا بس والله هلايام البرد { شكل المربعانيه دخلت وانا مادريت } يلله نروح وامرنا لله توكلنا على الله |
حوار طريف بين ام نايف و جارتها بطلعتهم للبر
ام نايف:: هلا وخيتي شلونك الجاره ::هلابك ام نايف والله الحمد لله طيبه ام نايف يختي من زمان ماشفناك عسى ماشر الجاره :: ماشر بس كنت لاهيه مع هالبزارين ام نايف : ها وش فيهم البزارين هلايام ماكنك ربيتيهم صياح وخناق الجاره : اي والله من فتره ولدي فلق راسي الله يصلحه ام نايف : يووووووه ههههه سلامات الجاره : الله يسلمك ام نايف : وش تبين تشربين قهوه وللا شاهي الجاره : هااا ابيييي كبتشينو!! ام نايف : كبتشينو بعينك ان شاء الله 0 تدرين حنا وين حنا بالبر يمال الفلق اللي يفلق راسك مره ثانيه الجاره : هههههه يوه نسيت يوخيتي ام نايف : تعالي بقولك دريتي عن قطرات الجاره : لاوالله وش فيه عسى ماشر ام نايف : لاان شاء الله ماكو الا العافيه واخبار تسر الخاطر بعد الجاره : يلله نبي نسمع الاخبار الساره مليت من صياح عيالي ااي راسي ام نايف :حبيت اقولك ان تم تعين المشرفين والمشرفات الجاره : ماشاء الله الف مبروك طيب من عينو؟ ام نايف : تعرفينهم ؟؟ الجاره : لاوالله ههههههههه ام نايف : يمال الضربه اللي تضربك 0 دامك ماتعرفينهم ليش تسالين؟ الجاره : حب استطلاع ام نايف : دام استطلاع اسمعي ياجاااره الجاره يلله هاتي ام نايف سلمك الله سلموا الاداره وانتخبوا خيار الاعضاء واحسنهم رجاحه واكثرهم تصويت الجاره : الله اكيد انتي منهم ؟ ام نايف : لا والله انا مراقبتي بيتي بس الجاره : اهاااا كملي ؟ ام نايف : انتخبوا خمس اعضاء واحد اعلى من الثاني وكلهم نعم الاختياااار اعرفك عليهم :: منى - انسانه رقيقه وفاهمة الطبع تلقينها ماتتفوه الا الكلام المنطقي والراقي ربي يحفظها ::رونق - انسانه رائعه بمعنى الكلمه لها طابع استثنائي ومرحة الطبع تعرف متى تتكلم وكيف تنطق لها روح اكثر من رااااااائعه ربي يحفظها :: متاهة الاحزان لم اعرفها كثير بس قلمها عرفني عليها وعلى فصاحة قولها وهي رقيقة التعبير ربي يحفظها :: لمياء هي بنت النيل جاءت للمنتدى وجاءت بما يحمل قلمها من توازن الفصاحه والرائ الصائب الجميل وهي قوية الشخصيه ربي يحفظها هلحين نروح لعلوم الرجال وشيمهم :: عندك نايف الشمري روح وسحر حايل هو انسان يحمل لنا من ريحة الحطب كلام موزن بلهجه شمريه نقف حين يمطر قلمه بالابداع الطيب نبداء نحن بالانصات ربي يستر عليه القرار:: انسان متمكن عرفته من حين ان دخل ساحة قطرات انه انسان رائع وصافي القلب ولايخجل عند الاعتراف صراحتة هي عنوانه وقوة عقليته هلحين ياجارتي العزيزه وش رايك بالكلام اللي سمعتيه؟ الجاره :: مع السلامه اشوفك بكرى مع السلاااااااااااااامه ام نايف :: تعاااااااااااااااالي وين رايحه الجاره :: بروح اسجل بقطرات لاني حسيت اني بالبيت يوم تتكلمين عنهم حسيت بروح الاخوه هناك حسيت بالمسؤل يوم اختار الاخيار والافاضل بسجل ياام نايف بسك من الهذر لايطول كلامك تراني عن قطرات ماني متراااجعه |
اجل غيرتي اسمك هااه ؟
صدقيني ما اناديك غير ام نايف وحرررره:) |
وأنا بعد أم نايف صبحتي بالخير
سيروا علينا تعشو عندنا |
هلا والله
وحيالله من جانا 00 اخي الصوت المسموع هنا حياااااااااااااااا الله ليش ماتناديني بالاسم الجديد اجل ماراح ارد هههههه لا تنسى تتقهوه ترا من زمان محد سير علينا 0 بس وين الناس نبي قصايدكم وعلومكم الطيبه باي قصيده تحبونها اخوي الصوت المسموع شكرا لحضورك اليوم00 وكل يوم ودمت بحفظ الله [marq="3;right;3;alternate"]{ مشاااااااااعر انثى }[/marq] |
ياااااااااهلا ومليون ترحيب
اخوي القرار 00 شكل طلعتكم للبر نستكم جيتكم وتسيركم علينا ترا حتى حنا عندنا بر والجو الممطر والقهوه والحطب ترا جيتكم تشرفنا 00 بس ها هالمره ماتروح الاوالقهوه شاربها لاتنسى ترا عندنا الاخ الصوت المسموع 00 يمكن الكل هنا جاي يشرب القهوه ويبارك لي باسمي الجديد بس مايمنع لان المكان مكانهم حياهم الله بكل وقت 00 !!!!!!!!!! وانتظر جيت خواتي المنى - رونق - لمياء- متاهة الاحزان - توته - بحور - انتظرهم لاني فعلا مشتاقه لطلتهم 00 اممم يمكن نسيت احد منهم بس كل خواتي انتظرهم 00 وحياكم مره ثانيه اختكم مشاعر انثى |
حيا الله الرفيقة راعية الطله البهية ...........ز أم نايف ..وأجمل أنثى.. يا حلات المشاعر الطيبة منك .. والله للأسم لمثلك لاااايق ...........
والله يا الغالية .............تعرفييين وضعنا يا المدرسات .. الحمد لله .. ولا ودي اكون وياااكم في طلعات البر يا محلااااها ......... بس عاد أبشرك الأوراق وصححناها .. والله يعين على الباقي .. ها عاد الحين .. بضف عباتي .. وأسيير يمكم .. ودوووم الهوى للبر مشتاق....... بهديك http://www.youtube.com/watch?v=1BsacIvuSz8 |
هلا وغلا باختي توته
اشوى الاوراق تصححت شايفه كيف تصحيحي مره جنان صح ؟ ههههه تسلمين يالغاليه على الطله اللي ابهجت الخاطر وعلى القصيده 00 عاد مع امطار الرياض والهواء الجميل واليوم خميس ياسلااااااااام مافي اروع من كذا 00 ياااااااااااارب يعم علينا الخير والامطار النافعه ياااااااااااارب وشكرا مره ثانيه 00 يلله سيري هلابك وهلا بكل اللي يلفي علينا 000 تقبلي تحياتي { مشاعر انُثى } |
| الساعة الآن 04:59 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009