|
لمسة وفاء إضافة رائعه للموضوع أشكرك عليها
والأهم من شكري جعلها الله في موازين حسناتك ونفع بها ... شاكر لك مرورك وحماسك وومتن لك دائماً دعمك ومؤازرتك وهو يعني لي الكثير . |
اقتباس:
وعليكم السلام لحظات ، يالله حيوو الحال طيب والأحوال زينه لا مامن فضايح ، ومشكله صحيح بعض العوائل الغالبيه مدخنين كأنها وراثه الدعوه وأحمدي ربك أن هالتجربه فاشله :qtrat (8): وبإنتظار عودتك ، إلى ذلك الحين وما بعده كوني بخير ، تتن ها هين أعلم عليك :qtrat (31): |
وين وصلنا بسالفتنا ، أيه قلت لكم أبو الشباب بدى يفكر
ببعض السوالف اللي تضيق الصدر بالتدخين وقلت لكم إلى أن يأتي يوم وأسهر سأخبركم ببعض الطرق والمحاولات لترك التتن ، عاد أنا أخبر أني قلت لكم وش لون كان يسوف أبو الشباب ، المهم هو الحين خلاص قام يدعي صحيح بالصلاة وهذا أحد الطرق والوسائل للإقلاع (مو يقلع الواحد يعني يهستر) لا يقلع يعني يبطل دخان ، بدأ صاحبنا أيضاً يخفف وبدى ياكل حب مكسرات علوك أي شيء مسواك ، وفعلاً بدى يقنع نفسه أن هالشيء مو إدمان وبدى يحط براسه أنه عاده لا أكثر ولا أقل تعود ممارستها وهي خاطئة فهل يعقل أو هل من المنطق والطبيعي أن يستمر العاقل على ممارسة عادة سيئة ، ولكنه كل ما دسم طق له زقاره وكل ما قام من النوم وكل ما سهر يعني هو يعرف ضررها ومازال يمارسها ولكن ليس كالسابق بدأ يكره التدخين إلى ان وصل لمرحلة كل ما دخن قال وبعدين .... معليش شكل سالفة صاحبنا مطوله وأنا خلاص فصلت تصبحون على خير ، وراجع للحبيب في (فصلة) أقصد سهرة قادمة . |
حسين يالله عاد
ترى تعبنا .. منسجمين مع السالفة ونبي الزبدة لآ تطول .. يامال العافية . |
اقتباس:
صارت فلم هندي مكسيكي تركي مخلوط السالفه أوشكت على النهايه عاد من زين النهايه رونق لا تتحمسين ترى السالفه عاديه بس حبيت انقل هالتجربه عاد الله يعينك متى أسهر لأن هالسالفه من بدت وهي تقص بتالي الليل لكي مني السلام والتحية والتقدير رونق |
حسين ..
تعرف في بعض المدخنين وش يقولوا ... " التدخين مضر مثله مثل مليون شئ غيره ,جات على السيجارة يعني " وهذا مايخليوهم يقلعون عنه ..الله المستعان |
اقتباس:
الحمد لله ما بلانا بالمخدرات الدخان أهون ومن هالكلام |
صباحكم روقان أعزائي ، شكلي طولت السالفه عليكم بحاول
أنهيها اليوم هذا إذا قدرت أواصل ، مدري ليش هالسالفه ما يجيني خلق لها إلا آخر الليل << بدينا تخبيص أي آخر الليل الحين الفجر يلا بسولف عليكم لحد صلاة الفجر ... طيب يالربع خوينا (صاحبنا) مثل ما قلت لكم استخدم عدة طرق منها الصحيح ومنها الخطاطئ ذكرت لكم بعض الطرق الصحيحة التي أستخدمها والحين بقولكم وش سوى بعد من الطرق ولكن هالطريقه ما تصلح غير صحيحه ولكنه وصل لمرحله كره الدخان (السجائر) المهم أبو الشباب حول على الشيشه (الأرجيله) << أعرف لغات وش رايكم فيني حركات :qtrat (10): وأستمر على هالسالفه فتره يمكن سنه بس ماكانت الشيشه تجيب راسه زي الزقاره كما يتوهم وش هالراس ... نجي للزبده << أحس تقولون ياخي خلصنا وبعدين وش صار ، طبعاً أكثر من كرهني بالتدخين الوالده الله يطول بعمرها وزعلت يوم قلت لها تركت الزقاير لأني قلت لها أشرب شيشه مؤقتاً ، كل اللي سويته ما نفع ، المهم الحبيبه دعواتها هي السبب ، ففي يوم بحائل كانت الشيشه معي بالسياره مشتريها جديده قلت أخليها بالسياره كانت الأيام شتاء وطلعات ، ما أدري وش جاني بدون مقدمات قمت وفتحت شنطة السياره وأخذت الشيشه ورميتها بالزباله تكرمون ، ومن يومها هذاك يوم وهذا يوم الحمد لله والشكر له والمنه ، حسيت بتغير فرق بين يوم كنت أدخن والحين بكل شيء ، تخيلوا حتى حاسة الشم عند المدخن تكاد تكون معدومه ... طبعاً كل هذا بدايته كان بسبب أني فكرة وقلت ليش الواحد يتعب ويبحث عن وظيفه ويبي يأمن مستقبله وبعدين هو قاعد يذبح نفسه بالتدخين ، حسيت أني متناقض ، تعبت ودرست وتغربت عشان أرتاح بالمستقبل ، ما أدري بديت أتعب تعرفون السهر:2 بس وصلتكم الفكره << أختصرت تعبت :3. آمل ذلك ، وللجميع تقبلوا كل ودادي وآمالي لكم بحياة دون تدخين :4. |
اللهم لك الحمد كما ينبغي لجلالة وجهك وعظيم سلطانك
جميل أن يتوب الإنسان عن معصية أو رذيلة كان يمارسها ولاشيء صعب بهذه الحياة طالما أننا نحاول بأن نسير على طريق الفطرة والطبيعة ودائما ً الصعب والمستحيل نحن من نضعه أن كنا غير راغبين بالإقلاع كرغبة حقيقة وعن قناعة حسين الشمري أتمنى لك حياة مليئة بالخير مفعمة بكل مايسر الروح تحياتي لك أخي القدير .. |
مبروك مبروك يا حسين
والله لا يغير عليك ما اجمل التوبه والرجوع والعزيمه القويه الله يجزاك الجنه ياااا رب |
| الساعة الآن 01:18 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009