|
تجربة مدخن
أول شيء هذه نتيجة اللي ما يجيه نوم الله يعينكم عليه يطلع بطلعات وهذا الموضوع مثال على ما يحدث للإنسان عندما يكون صاحي بوقت من المفروض يكون نايم فيه:qtrat (35): تجربة مدخن هي سلسلة سأصطحبكم معي من خلالها لتجربة مدخن ولا أعلم هل أستطيع أن أختصرها رغم طولها وإمتدادها لسنوات لن أتكلم عن بداياتها وكيف ومتى وأين ساتكلم منذُ بداية المحاولة على الإقلاع والتسويف عاد يالربع لا تدققون تعرفون الواحد سهران لا أحد يتشره العتب مرفوع هنا وراح أسرد السالفه بأريحيه شوي مو مني بس لأني شوي مريح دماغي طبعاً مو بكيفي ولكن نتيجة الإجهاد الذي إعتراه بسبب تأخري بالنوم والتفكير وأنواع التخطيط ( يا كثر ما قلت أبا أسوي وأسوي ولا فيه شيء من اللي قلت سويته ) وين رحت أنا وش جاب إبن فطيس هنا ، يلا إليكم السالفه ... إذا نجحت من الثانويه ببطل تدخين نجحنا وصرنا بالجامعه وكالعاده جينا بهالكلمه (إذا) وهي أحسن كلمه للتسويف كنت دايم أستخدمها إذا نويت أقلع عن التدخين والذي كنت أستمتع فيه إستمتاع لدرجة أني وصلت لمرحله إستغرابي من غير المدخن كيف يعيش وشلون يتلذذ بكاسة الشاهي وياحرام يحول محروم من متعة التمتع بشرب الكافي :qtrat (15):والكثير الكثير ، يا حليله صاحبنا ماخذ مقلب بالتدخين:qtrat (1): <<<< يعنني مو أنا أوص لا أحد يدري لا تعلمون بنكمل على أساس أنه مو أنا :qtrat (3): ... المهم أبو الشباب زي ما قلنا كالعاده رجع وقال لا خلصت من الجامعه يصير خير بترك هالآفه يا حبي له :hurt[1]: يدري بأنها آفه تخرج الحبيب وقال الحين عاد نبطل توقعون وش سوى بطل ولا ما بطل وإذا بطل تتخيلون كيف وضعه وإذا ما ترك التدخين وش تتوقعون قال هالمره بعد أيش بترك التدخين :qtrat (35): ... كنت بكمل لكني تعبت لحين عودتي لإخباركم عن ما حصل مع ذلك المبتلي بتلك الآفة كونوا بخير . لحظه لحظه ، على فكره أنا ما قلت لكم ليش هو يسوي كذا أقصد ليش يسوف ويماطل ويقول بعد ما أنجح أو أتخرج أترك التتن تتوقعون ليه وش السبب وطيب وش اللي ما يخليه يترك الدخان على طول أول ما يفكر بتركه ليه يعني يربط تركه له بأمر مثل الدراسه أو غيره ؟؟ بعد ما قلت لكم إنه طاح بالتتن وهو صغيّر ولو أنه على الخفيف وعلى فترات متباعده ومتقطعه لا وما علمتكم عن بعض الطرائف مثل شرب (الشخّاط) الكبريت نصيحه لكل الأمهات بأن ينتبهن ويلاحظن بأنه في حالة نفاذ علب الشخاط وإختفائها بشكل على غير العاده فإن بالأمر إن وإن تعود على أنه هناك من سيكون مصيره مثل صاحبنا بس صحيح أشوا هالأيام قليل من يستخدم الشخاخيط مش زي أول الحين مسدسات وولاعات لا وما علمتكم بالشجره العجيبه << أقول تراك صجيتنا ما علمتكم ما علمتكم طيب علم ولا خلك ساكت محد داري وبعدين أنت وش فيك أنت من البداية قلت ووضحت أنك ما راح تتكلم عن البدايات ها بدينا نخورا مو منك من كثرة قرقك :qtrat (31): أقول الظاهر قبل كم سطر أنهيت السالفه وختمتها بكونوا بخير فما يصلح أعيدها مره ثانيه بعد أول مره أشوف موضوع له خاتمتين <<< أنا قايل هالصبح الله يستر ويعدي على خير ، عشان كذا روحوا مره ثانيه فوق وأقروا النهاية مره ثانيه معليش متعاجز أقصها وأنسخها هنا مره ثانيه ، عادي لا تنسون أن صاحبكم سهران :qtrat (8): |
صباحك نوم ..:qtrat (35):
ولي رجعة لحديثك الممتع:qtrat (8): وَخذ ذي لين أرجع :m36: |
[align=center][tabletext="width:100%;"][cell="filter:;"][align=center]
/ \ السلام عليكم والرحمة وصباحكم مسرة ونور الله يعين كل مبتلي .. وإن شاء الله تكون هالسلسة سبب لأقناع من لا يزال يمارس هذه العادة الضارة بالإقلاع عنها .. وتكون سببا في هدايتهم .. القدير .. حسين الشمري .. للسهر مضرة ليست على السهران فقط بل على اللغة العربية أيضا استمتعت ولكن تمنيت لو كان الحديث بالفصحى لتعم الفائدة غلى كل العابرين من هنا ( لا تنسى أن البعض قد لا يجيد المصطلحات الخليجية ) جعل الله هذا المتصفح بابا من أبواب الهداية لمن هو مبتلى بالتدخين وكتب لكل أجر الفائدة إن شاء الله تحيتي وتقديري [/align][/cell][/tabletext][/align] |
أنا أدوّر كلمة "يتبع" :qtrat (3):
^^ شكلك نسيتها.. المهم أنا كنت في صدد موضوع شبيه لموضوعك هذا للراغبين في الإقلاع عن التدخين ولو إنه ألحين في عيادات متخصصة بهالشي عندنا بالإمارات ولكن سبحان الله الشباب معاندين والمتضررين هم الأكثر إصرار على إن أصحابهم يوقفوا من التدخين.. لي عودة بإذن الله ^^ |
حسين بكاسة شاهي وحبة سيجارة انجز من العمل ما لا يمكن ان انجزه في يومين كاملين صدقني يا حسين مع السيجارة يستقيم المعنى الروحي و يبدو العالم منكمشا حتى ان اشتراطات تعريف الذات وتعريف الآخر تغدو قريبة الشبه ببعضها :qtrat (8): حسين بصراحة اخوي ناوي ابطله .. لانه فعلا مضر بس بعد الزواج :qtrat (31): |
يالله ياحسين .. أنت تطرقت لموضوع يضيق صدري بجد أنـــا لو من الحكومـة أمنع التدخين ..بتاتا ً البته وأوسع مراكز العلاج أو التخلص منه واجعلها مزودة بكل مايساعد على تخلص الجسم منه مايصير كذا والله مايصير تشوفهم صغار بالمولات يتمشون مع بعضهم وكل واحد ماسك زقارته بيده عبدالرحمن ولدي دخل السنة هذه مرحلة المتوسطة وأنـا أعرف أن هذه المرحلة هي ذروة المراهقة وخايفة عليه كثييييير من الأمـر هـــذا ودايما دايما دايما أوصيه واتكلم معاه وبحضور اخوانه بخصوص التدخين وأعلمه أنه راح يتعرض أو يتصادف مع أولاد أو شباب مثل مايسميهم .. يدخنون وراح يعرضون عليه أن يجربهـــا ..وافهمه أن التجربة هذه هي اللي بتجره إلى الزقارة الثانية والثانية الى الثالثة والثالثة إلى مالا نهاية .. ويروح العمر وماجنيت منها أي فائدة تذكر غير الأثم والمرض وإسراف المال على شي ربي مايرضاه ودايما ما أذكره بـ (جده عبدالرحمن وجده اللي هو أبوي ) رحمة الله عليهم وأقول له أنت تبي تصير مثلهم وإلا مثل أبوك وعمك ؟ قال كيف يعني ؟ قلت يعني تبي تصير مثل ( جدانك ) ريحة شماغك عود وطيب ووجهك صافيولحيتك البيضا ريحتها حلوه وأسنانك بيضا ونظيفة وإلا تبي مثل أبوك وعمك ريحتهم دخان وأسنـانهم صفرا وشفايفهم سودا وحتى برمضان دايخين ومصدعين ومايستمتعون بنهاره الحلو وتصرف فلوسك على شي ربي مايرضاه .. قال لا .. أبي مثل جدي عبدالرحمن وجدي ......... قلت خلاص .. أنت من الآن مثلهم وهم بيفتخرون فيك لأنك أخترت تصير مثلهم وكل شوي أرجع واذكره بالموال هذا .. وخصوصا ً لأنـه يحب جده كثير .. فاستغليت محبته له بأنه يقتدي فيه ويصير مثله .. / \ حسين .. يمكن اللي يدخن يتضايق من نفسه ويفكر بالإقلاع لكن اللي مايدخن .. وله شخص عزيز عليه ويشوفه يدخن هنــــا الألـــم ... ولمـــا تكلمه بالموضوع هــذا يعصب ويزعل ويهدد بترك المكان أن ماقفلنــــا المــوضوع .. قدرت أني أمنع أبو عبدالرحمن عن التدخين وبالفعل وقفه وأقلع عنه لمـدة سنتين إلا أنــــه سافر للعمل مع أحد الأصدقـاء لمدة أسبوعين ولمـا رجع لي .. رجع لي وهو يدخـن ! إلا أني مايأست وبأذن الله بقدر أخليه يبطله ! / \ موضوعك جميل ياحسين وأجمل مافيه بساطته وخروج الحرف على طبيعته بدون أي زخرفة متابعين لك بحول الله ! |
اقتباس:
مساؤك صحصحه:qtrat (15): وسأتنظر رجوعك وأنتي بعد خوذي الثانيه لي رجعتي :kn7[1]: |
اقتباس:
وعليكم السلام المنى وصباحك ومساؤك عامر بالفرح والمسرات ياليت تكون سبب ولو بالتفكير وبصراحه سأكون من المحظوظين لو كانت سبب في إقناع لو واحد:qtrat (8): أما بالنسبة للغة الفصحى تعمدت الحديث بذلك الأسلوب ولم يخفى عني من لا يجيد لهجتنا ويهمني أمرهم ولكن لتأكدي بأن المضمون سيفهم تعمدت الكتابة بذلك الأسلوب وبعدين يمكن أوصل اللهجه لهم بعد المنى سعيد بك جداً وبتواجدك ، لا عدمناك . |
اقتباس:
هلا لمسه يا مرحبا السّاع :qtrat (8): هي جت على يتبع بس ، خليها على الله يا بنت الحلال المهم لا تحرمينا من موضوعك وعادي يمكن واحد يتأثر بموضوعك إذا عدى من موضوعي والعكس بإنتظارك لتعودي |
اقتباس:
العذب لحن ياخي أنت على طول كذا رايق :qtrat (15): وعلى فكره بعد أنت مثل صاحبنا قال نفس الكلام وتزوج وما بطل تدخين ... مودتي لك أيها اللحن الرائع والمتدفق روعة وعذوبه:m36: |
| الساعة الآن 09:50 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009