فيني بقايا هم يجدد كل آلامي
يلعب على الحبلين بزوايا الأفكار
منها شفت تموت بعيني أحلامي
وأنا ساكت مدري عن اللي صار
ومنها أنا عطشان ولشوفتك ظامي
وانت ما تدري عن شعور بي ثار
مسرح جريمه وشلون أصدر أحكامي
وانت جاني فيه على قلب أوتار
مليت من الفرقا والعتب والملامي
وملامح طيف يجيني ما بين الأسوار
علمني لين متى وأنا هايم بك هيامي
يرقص احساسي فرح وبداخلي نار
يا لذة الماضي..قسوة الحاضر بأيامي
يا جنون أوتار بلحظات الانتظاااار
فزيت أنا من حلم يسكن منامي
شفتك فيه توادعني بقلب جبار!!!