هاي شله
شخباركم شباب وصبايا الهذيان
نلتقي هنا عبر المتصفح ما بين الحين والآخر ، أحدهم يهذي بحبه
والآخر بنفسيته ، وذاك بغربته ، وآخر بفرحه ، والقاسم المشترك
بيننا جميعاً هو صدق الحرف ، طيب من يدري وش أبي أنا الحين
أصلاً أنا ما أدري وش أبي ولا وش السالفه ، بس حبيت أشارك
الشلة الهذيان ، ولأني ودي أعترف بشيء عن هالصفحه أو الموضوع
هذا ، تصدقون كل مواضيعي أذكر فكرتهن ومتى وشلون صار يعني
على الأقل لو شيء بسيط عنه ، لكن هالموضوع ما أذكر إلاّ أني أذكر
أني كنت متردد بطرحه ، حسيت أنه عادي ، لكن ما توقعت ياصل
لهالصفحات والمشاركات ، يمكن لأنه عادي صار كذا فيه تفاعل
يعني ما فيه تكلف وما فيه أحد مسئول عنه ولا أحد ملزم يرد على أحد
ها يمكن هذا هو السبب ، شكلي متفرغ صح للقرقه ، يلا ما عليه اللي
مل لا يكمل قسم ما فيه شيء مهم ولا جديد ولا ممتع ، ودي أكتب
والكتابة ببلاش ، منو عنده مانع ، وش دخلك أنت اللي تقول وش عنده
هذا ياخي بكيفي ، تبي تقرقر وبك شده تعال هنا ، ما عليه اللي مو فاهم
كلامي يطوف ، أصلاً اللي مو فاضي لا يكمل أما اللي يبي يضيع وقته
يكمل ويقرى واللي مو جاي نوم بعد يكمل لأنه راح يدوخ وعيونه
يعورنه ويغمض وينام بعد ما يقرى ...
طيب السالفه أصلاً وشي أنا وش كتبت بالبداية وليه دخلت هنا الحين
تصدقون عاد ما أدري لكن يلا أنا بستمر وأكتب وأشوف وش بيطلع معي
لكن الله يعينكم تحملوا مقرود اللي بيتابع معي ، إيه أنت وأنتي مقرود ومقروده
وش عندكم تقرون ما هنا إلا الدجه الدجه تعني ما عندك أحد ما عندك أحد يعني
كلام فاضي وعلى طاري الفاضي صحيح يعمل قاضي والله يا أني هالأيام ناشب
للي حولي ...
تدرون شلون بريحكم من هالخرابيط وبوقف ، بس ليش أنا دخلت ما أدري تصدقون .
هذيان مدري وشو .