[نايف الشمري]

بنفترق ..

حكم القدر ..

تدرين وادري به انا

بنفترق ..

شي ٍ أكيد ..

ويصير ذكرى حبنا

مات الأمل ..

ووين الأمل ؟؟

اللي حياء لجله يموت !!

مابه أمل ..

حنا السبب ..

كلن على الثاني جنا

انا اعتذر ..

عن غلطتي ..

وانتي تجيني بالعذر

مدري خطاك ..!!

مدري خطاي ..!!

مدري خطانا كلنا

يآللأسف ..

(( كل العذر ))

ماعآد ينفعنا خلاص

ولآ الندم ..

ينفع بشي ..

لآ يآزمن وش ذنبنا

دام انت تدري بنفترق وينك من اول عننا ؟؟

وليش انت تجمع بيننا ؟؟

انـا ابيهـا يازمـن وانا لها اغلى حبيب
لو أدفع سنيني ثمن واكون انا منها قريب

ابدفعه..

بس لا تغيب ..

(( حبيبتي ))

لا ... لا تغيب

دام انها عندي تساوي كـل شـي
اللي مضى واللي بقى من هالعمـر

حلمي الوحيد ابقى معه وتبقى معي
ورغم المحآل في حبهـا ابستمـر

ابستمر في حبها

لو تبتعد .. لو نفترق

وعهدن عليَه يازمن

لو انها غابت سنين

لو انها تنسى الهواء

وتنسآني وتنسى مامضى

(( بــحــبــهــا ))

وبعيش انا في حبها

ياوقت يكفينا عذاب

وحبنا اصبح سراب

وحنا عطاشا نطرده

وحل الظلام

وضاع وسطه حبنا

والشوق زاد

وزاد الهيام

وننتظر شمس الصباح

اللي تغشاها الضباب

ومن بعد ماطآل الغياب

بان الشعاع

واختفى عنا السراب

ولا نشوف الا التراب

وشلون اصير بوقتها ؟؟

باركـض واطيـح لعلـي القـى لـه اثـر
واقـف واصيـح لعـل صوتـي يسمعـه

حتى الشجر بسأله حتى الهبايب والحجـر
كل شي اشوفه بسأله واحساسي معها اتبعه

حتى لو احساسي خطاء

...... بستمر

دامي اعيش بحلم أمل

بمشي معه

بس للأسف ..

مابه أمل

احياء عليه

واعيش فيه

(( حبيبتي ))

تدرين إنا بنفترق

وهذا هو الشي الأكيد

بس المهم

في حزته

لا لا تجين

لجل الودآع

ارجوك

لا..

لا..

لا تـجـيـن

الا الودآع
مااستحمله
مااستحمله
مااستحمله