[خالد العبدالله]

السلام عليكم



صبآحكم .. جنـّه



في آخر أيامي .. وقبل ذهابي لـ / الشرقيـه
لكم هذا الموضوع .. برائحة ( حطب ) حايل !





::





.. يوم كنت صغير ..
؛
كنت ساكن بالخرج ( شرق الرياض بـ 40 كيلو )
؛
مدينه صغيره .. هاديه .. ولها ذكريات فيني
عموما" .. طفولتي كلها هناك .. لين وصلت صف سادس ابتدائي .. خلال هالفتره كنا نسافر ( أكيد لحايل ) ..
يعني وقت العطل أكيـد



وبحكم وظيفة أبوي .. كان أغلب السفرات مايروح معنا .. يودينا لمطار الملك خالد بالرياض .. عشان نسافر لحايل .. وعلى طريق المطار .. كنا نمر بـ ( جامعة الإمام )



وكان أبوي يحمسنا .. وخاصه أنا ( لأني الدافور حق العايله )




ويقول .. بكرا فهد وخالد يصيرون هنا بالجامعـه
ويصيرون دكاتره .....
وكل واحد منهم ابشتري له نظاره عشان يصير دكتور أصلي








مره من المرات .. نط أخوي الكبير ( فهد ) وقال يبـه /
أنا مابي دكتور .. أنا أبي أصير طيـار ... !
وبجد كان يحب الطيران العسكري .. ويتابع الطيارات ويدقق عليها
وألحين هذا هو عاطل .. بعد ماكان جندي بالجوازات .. بحزم الجلاميد .. بعد عرعر بـ 100 كيلـو



التفت علي أبوي .. وقال أجل خلاص ..
الدكتور بيصير خالـد



قمت أقلب وجهي يمين ويسار .. وأكحكح ( مبين اللي بيسوي له طعـّـه ) هههههههههههههههههه


قلت يبه / أنا مابي دكتور .. أنا أبي أدرس واتخرج .. وأصير ملك !!





قووووووووووووووويه أدري .. لكن وش أسوي .. كنت احسب اللي يصير شاطر مره يقدر يتخرج .. ويقدم اوراقه ويصير ملك ههههههههههههههههههههههههههههههههههه




/




أنتم مافكرتوا مره بطموح غريب .... ؟
ماجاء في بالكم تفكير .. تشوفونه ألحين مستحيل .. أو مضحك .. أو ... ؟
افردوا البياض لقلوبكم .. وأقلامكم .. وانا انتظر










خ.ألـد