إذا كان استمرار الزواج مبني على خوف أحد الطرفين من الآخر
فهذا مثل زنزانة العذاب اللي فاتحتها منال يعني يجلس الواحد وينتظر
متى يطلع الشبح من أي جهة.
صح إن الرجال قوامون بس بما أنفقوا يعني إذا كانت تنفق مثلها مثله أو إنه مقصر
معها جزاء سيئة سيئة مثلها.
و ليش هي تخاف منه عشان قوي وتخاف مثلا يضربها إذا كان أبوها ماعمره
مد يده عليها ترضا يجي إبن العالم يمد يده عليها تستاهل بعدها الخوف؟
وليش هو يخاف منها عشان إن كيدهن عظيم ... الكيد هذا مايطلع إلا إذا هو قاهرها
وإلا هي دائما مسالمة وتدور السعادة لبيتها ومن أول ماتتزوج وهي تسوي
خطط كيف ترضي زوجها تلاقيها ف السوق تدورملابس تعجبه وتسأل وش يزعله
عشان لا تسويه ووش يرضيه عشان تسويه يعني الكيد مايجي إلا بعد اكتشافات خطيرة
تشوفها الزوجة في زوجها...
وكلامك ياهيام صحيح كلام فالمرأة لها رأيها وزمان كنت اسمعهم يقولون عشان القوامة المركب اللي لها قائدين تغرق عشان يثبت إن رأي الزوج إذا مامشى بتخرب الأسرة
بس الأيام أثبتت إن الأسرة ماهي مركب وإن التفاهم وحده بين الأزواج والمصارحة
والتكامل لمصلحة الجميع هو مايأخذ الأسرة لبر الأمان والرأي الصائب
يسود فيها بغض النظر من صاحبه الرجل أو المرأة..
وياصمت المشاعر
خلي الرسائل لكلمات الحب أو الإعتذار أما التفاهم فالأفضل يكون وجه لوجه
لأنه إذا تعودتي بيجي يوم ماتقدري تواجهي بطلباتك إلا بالرسايل فأحسن شي المصارحة باللي يضايق كل طرف بهدوء ... مجرد رأي م أختك