[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=0 line=1 align=center use=sp num="0,black""]
أمر بمرحلة فعل (ن) جديده = اعادتني للأيام البعادي
اعادتني ورى اعوام(ن) عديده = حسب احساس قلبي وأعتقادي
وبديت ببيت وأكملته قصيده = ونظم الشعر عندي شئ عادي
لكن اليوم تجربتي فريده =اعيش بحلم ماهو حلم عادي
حبيبي ياعسا ايامك سعيده = انا شوقي لشوفك في ازديادي
لهيب الشوق في قلبي تزيده = بربك هو غلا ولا عنادي
متى تفهم وتعرف مانريده = قبل ينباح سري للعبادي
صحيح انك عن عيوني بعيده = ولكنك قريبه من فؤادي
اقول اسمك وأعيده ثُم اعيده = فهل اسمي على لسانك يعادي
ترى اشواقي وزفراتي اكيده = وترى حزني وعبراتي وكادي
كتبها اللي مداده من وريده = جعل دمه لأهاته مدادي
على شاني كفاية ياعنيده= جزيتيني بصدٍ في ودادي
اجيبي عاشق(ن) ذكراك عيده = لذكرى ايامه الاولى استعادي
[/poem]