يا جود قلبي في محبتك يا زين
يا طول صبري يوم قلبي عصاني
** ** ** **
ماكن ربي خالقك مثل باقين
قلبي عصاني مايبي شخص ثاني
** ** ** **
في شوفتك يالحب نشوة مَكانين
في شوفتك يا هيه يعقَد لسآني
** ** ** **
والله لو مالشرع و العرف و الدين
لأحظنك في صدري و صدرك مكاني
** ** ** **
و أهمس بصوتي من حين إلى حين
و آقول أحبّك كثر جريَ الثواني
** ** ** **
و آقول في قلبي ودمّ الشرايين
إن قلت لي بالله وشهو مكاني
** ** ** **
و آقول عالق في رموشي و فالعين
إن قلت فأي أوقات عينك تراني
** ** ** **
و آقول فين أبدا ومن وين إلى وين
إن قلت أبي بالحب ترضي كياني
** ** ** **
ماكن فالعشاق من مثلنا اثنين
كل البشر فالحب من صنف ثاني
** ** ** **
مثل البشر نملك أيادي ورجلين
لكنّ حبّ قلوبنا من نوع فاني