السلام عليكم
مساك الله بالخير أخوي القرار
رجعت الان لسببين
أولا لأشكرك على ردك الوافي والجميل على مشاركتي
ثانيا حبيت أشير إنى معك ولست ضد فكرتك و ذكرت ذلك في مداخلتي أكثر من مره
بأني معك بكل قوه في فكرتك وكررت إعجابي فيها في أول المشاركه وآخرها
لكني حبيت أشير لمواقف من نريد لفت انظارهم منا ومن قضايانا ومقدار الكره والبغض لنا كعرب وكمسلمين
واللي أعتقد إننا لو بقينا واقفين في الملاعب قرن صمت مو دقيقه صمت بس
ما راح يهتمون لنا ولا راح نلفت أنظارهم
وضربت لك مثل بما حصل من أهوال وجرائم وظلم يشيب منه رأس الوليد ونُقل كله على الهواء مباشرة
وعرض على جميع محطات العالم وفي الأخير بدل ما يعاقب المعتدي ويجرّم ويوقف عند حده تُبعث لجنة تقصي حقايق مدري وش يسمونها وتطلع لنا ثاني يوم تقول الطرفين أقترفوا جرايم حرب !!!!!!!!!
وبعد كم يوم كذلك يجتمع مجلس الغبن لمناقشة مشروع قرار بإدااااانة ( وحط تحت كلمة إدانة مليون خط )
بإدانة إسرائيل على حربها على غزه
وكالعاده تستخدم الأميمه حق النقض ( الفيتو ) دفاعا عن بنيتها المظلومه واللي طايحين فيها العرب طق وتكفخ وعايشه بينهم برعب المسكينه
فأنا كان ملخص كلامي هو إنه برغم إن اللي شافه العالم من صور تقطع قلب الكافر وتبكّي الحجر ومع ذلك ساد أيامها صمت غريييييب من قبل الجميع دون استثناء إذا تذكر
لدرجة إن الطائرات تقصفهم في ذيك القنابل اللي كأنها صعاديات وفرقنا الرياضيه لاهيه في مبارياتها والجماهير ماليه الملاعب !!
لذلك أنا قلت
اللي هذيك المناظر ماهزت مشاعرهم تبي وقفة دقيقه تأثر فيهم ؟
ووييين عاد ؟ في وسط ملعب !! اللي جمهوره تسعه وتسعين بالميه منهم شباب من طقة ابو ثمنطعش وعشرين وكل واحد صابغ وجهه لونين تقول باب مقصف
هذولا نرتجى منهم مناصرة لقضايانا ؟
يمكن تقول حنا مو هدفنا الجمهور اللي في الملعب . . حنا هدفنا اللي خارج الملعب
في هالحاله اسمح لي أقول لك ما قال المثل ... سعيد إبن عم مبارك
قال طلقها واخذ اختها .. قال الله يلعن الثنتين
الله يسامحك يالقرار بس
خليتني أطلع اللي بقلبي كله اليوم هههه
بعدين أبيك لو سمحت يعني
تمسك لك ورقه وقلم وتكتب إسمي مية مره عشان اتدرب عليه وتحفظه ولا تخلط بين اسمي واسم اخونا الكنز ههههه
تحياتي ....