انتهى الليل الطويل وبينت شمسٍ تبيني
يا صباح الخير يا عمري ويا فرحة سنيني
ما سمعت الشمس تهمس للقمر وسط التساؤل ؟
تسأل الشمس القمر ثم القمر ولّا حزيني
كيف نرقا للفضا والأرض تضوي من وسطها ؟
كيف نضوي والفضا نوّر بمزيون الجبينِ ؟
من يلوم القلب مني لا نوى يهجر مكانه
من يلوم الروح مني لا غدت ماهي تبيني ؟
كل نبضه من شعوري تندهك وتقول وينه
والجواب يقول في قلبي وفي شهقة حنيني
كل نظره في عيون العابرين آشوف عينك
صاروا العالم شباهك او من اللهفه تجيني
أمسك يديني وأخيّل نفسِيَ بعالم خيالي
وآتخيل راحة يدينك تلامسها يديني
لو قلوب الناس تعشق كل عشقٍ فالوسيعه
ما يضاهي حبي الروحك جموع العاشقينِ
اقترب , غمض عيونك , واسمع بقلبك كلامي
يا حياة الروح يا نبضي و يا رعشة سكوني
المسا حل وكلامي ينهمل .. مو في يديني
كل كلمة حب تتبعها حروف الحب فيني
^ كتبتها في وقت قياسي بالنسبه لي
أتوقع أنها مثقله بالكسور فالوزن
أنتظر نقدكم الشديد ...
# صباح الخير