[الصوت المسموع]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

زينت دنيا القصيد وزان بحضورك = يامرحبا في حضورك عز مقدارك

الاوله : كيف حالك ؟ وبش هي امورك ؟!! =قبل المشاريه عطنا تالي اخبارك

والثانيه :يوم شفت اللوم بسطورك = اسرجت خيل القوافي وسط مظمارك ..!!

ياسر ّ نور الشعر لا شعشع بنورك =روضة جمال الشعر تنبع من ازهارك

تضفي عليه الجمال برقة شعورك =والصدق في حرفك الزاهي من اسرارك

ومن بعدها يازمن لو بان مستورك =نلقى العبر والحقايق داخل استارك

يارب تغفرلي ذنوبي بمقدورك = أنا دخيلك من ذنوبي وبجوارك

أنا كثير الخطا والعفو دستورك =ناري شوتني قبل لا اشوف أنا نارك

ويازاهي الحرف فاحت ريحة عطورك =ويجيك ردي على شرطك ومعيارك

هناك في قمة الجوزاء أن ازورك =لو كان في الأرض تبني بيتك ودارك

حركت بحر القصيد وفاضن بحورك =وياكم تحطم حروفي داخل اسوارك

يومن شبري يصافح يالغلا شبورك =لاعاده الله مشواري ومشوارك

عانيت من غيرتك وعانيت من جورك = وعذبتك بغدري اللي غيّر اطوارك

مشوار كله ندم ولاطعت انا شورك =أجرحك و تنزف جروحك دم باشعارك

واليوم أنا جيتك اقول ذا دورك =طالبك بس السماح ودوك معذارك

وانا برايك وتقييمك ومنظورك = يجلدني سوط الضمير وياخذ بثارك

أدعي لك الله يتمم ساعة سرورك = وعلى غصون السعاده ترقص اطيارك

وان كان هاج البحر واهتز بابورك = انا لك البر وازبني عن اعصارك

وان كان زان القصيد اليوم بحضورك =يامرحبا في حضورك عز مقدارك


[/poem]