جميلة الصفحة من خلالها ننثر ما يمارسه البعض من عادات سيئة
وصل الأمر للبعض بهم بأن تمكن منهم الكذب وأصبح مرض
ولكن يبقى هناك منهم فئة لا تضر بكذبها وإن كان هذا الأمر
غير حسن ، عموماً من أروع الكذب الذي مر علي ...
واحد من الشباب (هلُوس) (مسرد) درجة أولى يقول مره كنت مسافر
وجتني النومه وانا بالخط فقلت وش تسوي يابو فلان ، قال تدري وش سويت
قلت له وش سويت قال غمضة عين وفتحة عين قلت له ليش قال خليت عين
تريح والثانية تسوق وبعد نص ساعه فتحتها وغمضة الثانيه (أووووووف قويه)
ودي أصدقه بس قويه ، يقول أستمريت على هالحال إلين ما شبعت نوم اغمض
عين وأفتح عين ....
وفيه سالفه سمعتها عشان ننتبه من الكذب :
فيه أربع شباب كانوا بالجامعه فاتهم الإختبار فجو للدكتور وقالوا له
يا دكتور معليش حنا بنشرنا وفاتنا الإختبار تأخرنا حتى شوف أيدينا
صلحنا البنشر وجينا على طول ، طبعاً هم مسحوا أيديهم بالكفر قبل ما يدخلون
فقال الدكتور بينه وبين نفسه مسوين فلم علي (هم بس لو ما زودوها بسالفة
إيديهم ) قال الدكتور أكيد السبب البنشر قالوا أيه وقال طيب كلكم كنتوا سوى
قالوا أيه يا دكتور وش فيك قال لا أبد أبشروا بعيد لكم الاختبار بكرى ، أستانسوا
ومشوا من عندهم وطبعاً كالعاده قالوا ضحكنا عليه هالغبي ، حتى ما نقول بمثل هالمواقف
ساعدنا الرجال ههههههههههه ، جا بكرى وجو للقاعه تعرفون القاعه كبيره شوي
وهم أربعه وزع عليهم ورقة الإختبار ورقه بيضه وقال مع بعض أكتبو هالسؤال
وبدقيقه أسحب الورقه واللي يلتفت قسم بالله لا يرسب بالكورس كامل مو بس
إختبار الشهر قالهم السؤال هو :
أي كفر بنشر بالسياره أي جهة ، وقاعد يقول أنا حلفت بسرعه باقي نص دقيقه
واللي ما يكتب بعد بيرسب أكتب أي شيء ، عاد تخيلوا معي وش كتبوا بالإجابه
اللي كاتب يمين قدام واللي ورى يسار .....هههههه ، وسلامتكم .