وقف ماجد السيارة مطعم السرايا ..
نوره تأشر بيدها على بوابه قسم العوايل : هنيه جسم العوايل
التفت عليها وأشر على عيونه : من عيوني الثنتين ..
ثريا لفت وشافتهم بنظرة متوحشه ورجعت تلتفت على صوب الباب : هند نزلنا حبيبتي
هند تضحك : لحظة البس الجووتي ترا كنت فاصخته ههههههه
ماجد : طيب انا بنزل جبلكم اشوف مكان فاضي
نزل ماجد ويلوح بالمفتاح بايده ودخل قسم العوايل ..
ثريا نزلت وماعبرت نوره اللي كانت تصلح مكياجها
نزلت وراها هند ودخلن بدون ما يعبرن نوره وراحن داخل ..
نوره تحاول تفتح الباب مارضى ورجعت تحاول تفتحه مره 2 ماقدرت ..
اتصلت على هند اللي كان فونها سايلنت ولا انتبهت وجلست دج الدريشه مثل الخبله وثريا داخل ميته ضحك لانها تعرف الحين شو صاير ف نوره
ماجد حجز غرفه وجلس ينتظرهم .. دخلت ثريا وجلست مقابلته مباشره وهند جلست على جنب
ماتمر دقيقتين الا وماجد استغرب : نوره وين ؟
ثريا ماعبرته راحت وضربت الجرس عشان يجي الجرسوون
هند ماسكة المنيو وتقرا : بالسياره تصلح مكياجها
ماجد قلبه ما رتاح حس ان فيه ان قام وطلع : انا بروح اشوفها
ثريا بشماته : هيه سير شوفها يمكن تتشهد الحين ...
اول ماطلع للمواقف ماقدر الا ينفجر ضحك وراح يفتح لها .. جالسه تدج الباب مثل الخبله
فتح الباب ويضحك : منو سكر عليج الباب
نوره بعصبيه : من غيرها ست الحسن والدلال اكيد ثريوووووووه
ماجد وهما يمشوا: طيب ليش ما دجيتي علي
نوره التفت عليهوخصرت نفسها : لاوالله سوفه بس الظاهر سايلنت؟
ماجد مسكها وخلها تدش قبله للغرفه وحط ايده على كتفها اول ماشافووا هالموقف هند وثريا طلعوا عيونهم على برا
نوره بدلع : الباب سكر ودجيت عليج هنووده ومارديتي
ماجد بعصبيه : في احد يحط الورد يذبل في الحر برووحه ؟؟
نوره بتتشقق من الفرحه وجلست جنبه
هند ماسكه فونها : اووووووووووووه سو ري حبيبتي نووونووو والله فووني كان سايلنت
ثريا مكتفه يدها على صدرها وتشوفهم بنظرات غيره وحقد
دخل الجرسوون ..
وقف جنب ماجد يسأله شو يبغوووا
ماجد توه يمسك المنيوواقترب على نوره : هاه شو رايج ناخذ نفس الشي
نوره وعيونها على ثريا مره ومره على هند : انت شو حاب تاكل اللي تحبه انا احبه
هند تشوفهم بنص عين وحاطه ايدها على خدها : لو سمحت انا ابي محشي ورق عنب وتبوله وعصير فرش موز .. لاني مسويه ريجيم
التفتت على ثريا اللي مدخنه : شو تبين ثرثر
ثريا : والله بصراحه هالمطعم يسد النفس .. ابي فرش برتقال وحسابي بروحي بدفعه
ماجد حس انه وايدددددددد ثقلها على ثريا وهند : لا افااااااااا شنو تدفعوون حسابكم وانا وين رحت وبعدين انا مسوي لكم مفأجأة
نوره التفت على الجرسوون : نبي جبولي دياي .. شرايك ميووود ؟
ماجد ماسك ضحكته : اوووكي اكيد حلو دامه ذوووجج
هند وثريا ساكتات بدون ولا حررروف بس يتنفسن
ماجد التفت على الجرسووون : يب2 جبولي دياي .. وسلطات وفرش موز 3 .. ومحشي ورق عنب وتبولة ..
كتب الجرسون وطلع
هند فجأة تذكرت : مايد وثريا الفرش البرتقال ؟؟؟
ماجد فتح فمه من الصدمه : وووووووووالله نسيت
ثريا ساكته بس دمعتها بعينها اول مرة احد يذلها هالكثر .. حطت نفسها مشغوله على الفووون
( وليد لحظتها كان يتصل ويرسل وهي حاطته سايلنت )
نوره تشوف ثريا بحقد وحاطة نفسها بريئه : ميوود دج الجرس
وقف ماجد بسرعه يبي يدج الجرس ومشى جنب ثريا عشا ن الجرس وراها
ثريا بدون ما تلتفت له مسكت يده بقوووة : والله اذا دجيت له وطلبت لي ورب الكوون بروح الحين بتكسي ... انا مابي اصلا ابي ماااي
ماجد قلبه نبض الف نبضه بس حط نفسه ثقيل : ثريا مايصير انتي ما اكلتي شي
هند بطيبه : هيه ثرثر انتي من امس العصر ما اكلتي شي لاتنسي كنتي مريضه
ماجد هنا بغا يموووت : لا لا دام كذا بطلع لها اكبر صحن عيش ( رز )
ثريا منزله راسها على الفون : انا حلفت .. خلاص بشرب ماااي
هند : بس ثريا ؟
ثريا : انا حلفت .. مابي شي
نوره : افا يا ميوود كذيه تسوي بالبنت
ماجد ساكت ورجع يجلس كرسيه .. لكن ثقل نفسه عشان مايحسس ثريا انه مهتم
وصب له كوب ماي .. جلس يشربه ويشوف ثريا
رفعت هند راسها والتفتت على ماجد : رفع حواجبه لها وابتسم بس هند مافهمت شو قصده من ذي الحركه ..
ثريا طبعا ما فاتتها هاللقطة لانها تفرفر عينها ع الخفيف بدون مايحس عليها احد ( لاه وبعد تغازل هند ماكفتك نوره لكن انا بوريك اذا ما خليتك نعال ماتسوا انا او انت والزمن بينا اصبر علي شوي للحين ما شفت مني شي )
ماجد اللي كان عارف ان ثريا بتلمحه عشان كذا فتره رفع حواجبه لهند وابتسامته لها
من تحت ماحس الا احد يقرصه بقووة من فخذه صرخ : اااااااااااااااااااااااي
كلهم رافعوا راسهم بصدمه عليه .. هند : شفيش ؟
نوره ماسكه ضحكتها خافت تنكشف
ماجد عرف انها نوره : ولاشي جأن حشرة لدغتني بريلي
دخل الجرسون وحط الاكل لهم وطلع :
ماجد قلبه يتقطع على ثريا بس مابغا يحسسها بشي واهي بداخلها تتحلف له وتتوعد ..
هند بهمس على اذن ثريا : صدج ما تبين تتغدين ؟؟؟؟؟؟؟؟؟؟
ثريا واصله حدها : لاااا جلت .. صبي لي ماااي
هند صبت مااي لثريا وحطتلها الكووب قدامها
ماجد يتميلح : نوره اصب لج شطة ؟
نوره وحاطه رجلها فوق رجل ماجد لان كان يدغدغ رجلها باصبع رجله : هيه
صب لها وخذ الليمون : هنووده خذي الليموون عشان التبولة مالج
هند مدت يدها تبي تأخذ الليمونه من ايد ماجد بس ماجد ماعطاها فرصه .. بنفسه عصر لها الليمونه على التبولة .. وجلس يشوفها حط نفسه سرحان ف ملاحمها وهي تأكل ..
هند بدلع : مااااااااااااااايد لا تجعد طالعني ؟
ماجد برقه : وووووووالله تيننين وانتي تاكلين
نوره تحمحمت : احم احم انا هنيه
ماجد التفت عليها : وانتي بعد عسل وجمر وكل شي حلو بهالدنيا
مد ايده ياكلها : هاه حلوو
نوره وفمها مليان : هيه ..
ثريا ساكته رغم انها مازالت تتوعد عليهم اهما الثلاثه لانها شافت ان هند دشت على خط وياهم
هند برقه : ذوووج مايد هالمحشي
ماجد اقترب منها وفتح فمه واكلها بكل نعومه .. هند نست انا ثريا بهاللحظة بدأ يطلع من عيونها شرار ..
ماجد وهو ياكل طاحت عينه على عين ثريا ومسك نفسه لا ينفجر شافها تشوفه وعيونها كلها شرار ..
ماجد وهو يلوح ايده على انفه وماسك نفسه خايف ينفجر ضحك : نووووووري ماتشمين دخااان .. في شي مشعووط ؟
نوره وهند ببراءه ما فاهمات قصده بس ثريا اللي فاهمه قصده : لا مانشم ؟؟
ماجد وهو يوقف : طيب انا طالع بروح ادفع الحساب برجع الحين ..
مر ماجد قدام ثريا ولا عبرها .. وطلع
اول ماطلع ماجد ..
ثريا هنا انفجرررررررررررت من قهرها على ربيعاتها اللي وقفوا ضدها مع ماجد وصبت كوووب الماي فوقهن
هند صرررخت بقوووووة
ونوره تجمدت مكانها
ثريا وهي واقفه حطت يدها على خصرها : عشان تعرفن يا صديقاتي العزيزات ان اللي توقف ضدي بصف عدوي من اليوم ورايح ما اعتبرها صديقه .. حطن مايد اقصد ميوووود على جولة ام كشه ( قصدها نوره ) .. وطلعت راح تنتظرهم عن مواقف السياره
نوررره ميته ضحك وهو تعصر شيلتها اللي تبللت بالماااي : ههههههههههههه هههههههههههه واي بطني
هند تمسح وجها من الماي : ههههههههههه ههههههههههههه ههههههههههههههههههههههههههههههههههههه هههههههههههه .. الحمدلله ان الكوووب كان ماوايد فيه ماااي والله كان انفضحنا جدام مايد
بهاللحظة دخل ماجد وهو ما فاهم شو اللي صار كان يشد الحزام مال الشورت حقه : شفيها شيلتج متبلله هند ؟
هند تتكتم على ثريا : ولاشي الكوووب انسكب على سيلتي
ماجد : ايه .. حلفي بس ؟ ونوره بعد انسكب الماي حجه لها
نوره هنا فطست ضحك
ماجد هز راسه : هي صح ؟
نوره : يلا يلا بنروح ثريا برا تنتظرنا
ماجد عرف انها صارت حرب بينهن .. صح انه اخذ فكرة عن ثريا انها رقيقه وحساسه بس اهو الوحيد اللي دايم متوحشه معاه وهذا اللي مجننه فيها يحب يهرهاا رغم انه مايكن لها اي مشاعر غير مشاعر القرابه وبس .. بس هالمره اللي جاء فيها غير شاف ثريا ثانيه .. ثريا بكل معاني الانوثه والجمال .. انبهر بحركاتها ودلعها وغيرتها وعصبيتها .. بالاول ماكان بينهم احتكاك هالكثر وطلعات لانها كانت ع طول على النت وهو يجي بيت جدته مع خواته ومايجلسووا بيت ابوهم الا نادر !!
طلعوا اهما الثلاثه وشافوا ثريا حاطه ظهرها على السياره وتهز رجلها تنتظرهم ..