[الصوت المسموع]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

دشيت بحر القصيد ولجة امواجـه=أسابق الفكر في نظمـه ومدراجـه
مصايب الوقت فيها للعرب عبـره=والوقـت دوار والأيَـام مـراجـه
في ثامن ايام ذا الحجه من الهجره=باول بزوغ النهار وفلـة حجاجـه
المزن يردم على جـده وساحلهـا=ما كنًه الا ظـلام الليـل بسياجـه
تبرق وترعد ولا نـدري بطاريهـا=أثر المنايا تحـوم بوسـط ديباجـه
تلفح وجيه العرب من قو ماطرهـا=الين فاضت جروف الارض وفجاجه
والناس محصوره بداخـل منازلهـا=والي بسيارته ياصعـب مخراجـه
داهمهم السيـل والاقـدار مكتوبـه=داهمهم السيـل ماخـلا ولا حاجـه
يركض ويزبد على العالم ويغرقهـا=ماكنـه الا البعيـر بحـزة هياجـه
وحنـا بعصـر التقـدم ياحكومتنـا=للسيل مجرى ليامن سال يحتاجـه
وحنـا بعصـر التقـدم ياحكومتنـا=وين الارصاد والـرادار وابراجـه؟
وجهة نظر في بيوت الشعر صغناها=لاشك دفع المرض اسهل من علاجه [/poem]