[شادي الثريا]

المشاركة الأصلية كتبت بواسطة الــمُــنـــى

[ALIGN=CENTER][TABLETEXT="width0%;background-color:black;border:6px groove silver;"][CELL="filter:;"][ALIGN=center]
/
\

السلام عليكم والرحمة
ومساء الأنوار والمسرات للجميع ..

قبل ما أبدأ بالسرد رح أوضح معاني بعض الكلمات
المستخدمة باللهجة الإماراتية المحلية وأدعمها بالصور
لتكون أحداث القصة واضحة للجميع

::



برُوش ( brush )أو مخمة



مريول المدرسة





حُوِي ( الفناء الداخلي للبيت ) أو حوش


نبدأ الحين / ونقول بسم الله الرحمن الرحيم

أحداث هالقصة صارت وأنا بالمرحلة الإبتدائية تقريبا بالصف الرابع الإبتدائي ..
أيام ما كان الواجد منا مرتاح البال ووين ما حط رأسه نام ..
وقتها كنت راجعة من المدرسة ومن زود التعب نمت بالحُوٍي ( الحوش )
وطبعا حطيت مريول المدرسة وشنطة كتبي عند رأسي وراحت أختكم بسابع نومه
الوالدة الله يحفظها تعبت وهي تقعد فيني وأنا مو طايعه أقوم ..
فقررت تجذب عليّ لجل أقوم من النوم ..
سمعتها وهي تقول قومي باص المدرسة عند باب الحوش ..
ومن زود حُبي وقتها للمدرسة والدراسة فزيت على طولي
ولبست المريول حتى بدون ما أغسل ويهي
وأختكم صارت مثل المينونه ( المجنونة ) تدور الله يعزكم جوتيها ( حذاء ) المدرسة ..
وطبعا وقتها ما كنت بوعيّ فأخذت البُرُوش ( المخمة )
وأحاول بشتى الطرق أدخلها بريولي
على أعتبار أنها الدلاغ ( الجوارب ) أو جوتي المدرسة ..
وهو مو راضي يدخل وانأ أصيح وأبكي ..
وقتها سمعت صوت أمي وأختي العودة ( الكبيرة ) وهم يضحكون عليّ
ساعتها أستوعبت ان الأمر مقلب لجل فقط يقوموني من نومتي في الحُوي ..

وسلامتكم


[/ALIGN][/CELL][/TABLETEXT][/ALIGN]

سالفتك هذي يا منى ذكرتني بسالفة قريبة منها

تعودنا يوم نرجع من المدرسة نتغدى كل ابونا ونرقد الي الساعه خمس
وفي يوم قامت امي تقومنا وتقول قوموا تأخرتو عن المدرسة راحت علينا نومه
ونقوم كل ابونا ونلبس ونبدل ملابسنا ونجهز جداولنا ونصيح وراه ماقومتينا على شان نذاكر
وامي من جدها تقول وش اسوي راحت على نومة .. ويوم قومت الوالد على شان يودينا المدرسة
الا هو يضحك من قلبه ويقول كلكم مخبل وامكم معكم ..

الجو كان اخر العصرية وضباب
قريب لجو الصبح