[حسين الشمري]

المشاركة الأصلية كتبت بواسطة رونــــق

طيب .. يالقرار..

انــا أشوف الآن أنك أنت اللي متشائم
أنت اللي نفيت وجود الابتسامه واحتكرتها فقط بأيام او بصباح العيد
وانت اللي نفيت وجود تفشي السلام بين المسلمين ..
صدقني انا فاهمه قصدك زين
فاهمه ان انت تسأل ليه مانعامل بعضنــــا بمثل معاملتنا لبعضنا بالعيد
/
\

صدقني معاملتنا لبعضنـــا هي نفسها بيوم العيد
ولكن بيوم العيد نكون زايدين الجرعة حبتين
والسبب أن الجميـــع طالع يهني دينه واسلامه
قبل لايهني نفســه ونـــاسه ..
احيانا / يراودنـــا شعــور بالفرحـــه
ودنــــا نجتمع بالنـــاس .. نرغب بزيارة الاقارب
لكن .. مانلقى أحد .. الجميع متقوقع بعمله واشغاله
والاطفال بمدارسهم وواجباتهم ,,
لكن يوم العيد لآ .. الكل طالع والكل حاضر
والجميع متواجد .. والجميع طالع بأحلى حله وبأحلى ريحه ولبس
خلاص .. المدارس مغلقه والدوائر الحكوميه أغلقت أيضـــا
والنفس تجردت من ضغوطات الحياة
وراحت ترتجي من ربهـــا قبــول ما ادت من فريضــــه
وتكبيرات العيد لهـــا صدى كبير على نفس المسلم

القرار .. أحنــــا نتعامل مع بعضنــــا بنفس تعاملنــــا بالعيد
ولكن فرحة العيــد وشعــوره المغاير .. جعلتك ترى ان مانتعامل به بهذا اليوم معدومــــــا ..
وهو ليس معدوما بالأصل .. بل مختلف نوعا ما ومزيود الكيلة ..

/
\

هــــاه فهمتني .. والا لي رجعة هنــــا ..؟

أختي رونق أنتي تعيدين نفس كلامك وهذا يعني أنك مصره

(( ياخوفي أنك تكوني ممن يصادرون آراء الآخرين ))

وش لون حكمتي علي إني متشائم وأنا أطلب أن نجعل أيامنا

كلها أعياد ولكن أنتي ترين أنه من المستحيل أن تكون هكذا

وأنا أتفق معك أنه صعب ولكن ليس مستحيل ، وأنا قلت أن

الإبتسامات وصلة الأرحام والسلام تتواجد بالعيد من الأغلبيه ،

فلماذا لا نستمر في باقي الأيام كأيام العيد ولماذا هالحبتين

الزايده في العيد لا تكون دائم فأيام المسلم من المفترض أن

تكون كلها أعياد ...

وأنتي تقولين ودنا نلتقي بناسنا لكن ما عندك أحد معقوله

أعمالنا ودواماتنا تكون عائق لصلة الأرحام بيننا فالرسول

والخلفاء على كثرة الأعمال المنوطة بهم لم تمنعهم من صلة

أرحامهم ومن تعاملهم بأخلاقهم الإسلاميه والتحلي بصفاتهم

فنحن بجانب هؤلاء وأعمالهم لا نقارن بهم . . .

لا تقولي لي هذا الرسول وهؤلاء الخلفاء نعم هذا الرسول

وهؤلاء الخلفاء هم قدوتنا نقتدي بهم . . .

رونـق ما قصدته بموضوعي هو الدعوه لتحلينا بصفات جميله

تنتشر بالعيد وهي ليست معدومه كما تقولي في الأيام الأخرى

ولكنها أصبحت نادره للأسف .

أخت رونق سعدت بتبادل الحوار والنقاش الشيق معك ومع

من سبق ، لك ودي .