[حسين الشمري]

أول شيء هذه نتيجة اللي ما يجيه نوم الله يعينكم عليه
يطلع بطلعات وهذا الموضوع مثال على ما يحدث للإنسان
عندما يكون صاحي بوقت من المفروض يكون نايم فيه:qtrat (35):

تجربة مدخن هي سلسلة سأصطحبكم معي من خلالها لتجربة مدخن ولا أعلم هل أستطيع أن أختصرها رغم طولها وإمتدادها لسنوات لن أتكلم عن بداياتها وكيف ومتى وأين ساتكلم منذُ بداية المحاولة على الإقلاع والتسويف

عاد يالربع لا تدققون تعرفون الواحد سهران لا أحد يتشره العتب مرفوع هنا وراح أسرد السالفه بأريحيه شوي مو مني بس لأني شوي مريح دماغي طبعاً مو بكيفي ولكن نتيجة الإجهاد الذي إعتراه بسبب تأخري بالنوم والتفكير وأنواع التخطيط ( يا كثر ما قلت أبا أسوي وأسوي ولا فيه شيء من اللي قلت سويته ) وين رحت أنا وش جاب إبن فطيس هنا ، يلا إليكم السالفه ...

إذا نجحت من الثانويه ببطل تدخين نجحنا وصرنا بالجامعه وكالعاده جينا بهالكلمه (إذا) وهي أحسن كلمه للتسويف كنت دايم أستخدمها إذا نويت أقلع عن التدخين والذي كنت أستمتع فيه إستمتاع لدرجة أني وصلت لمرحله إستغرابي من غير المدخن كيف يعيش وشلون يتلذذ بكاسة الشاهي وياحرام يحول محروم من متعة التمتع بشرب الكافي :qtrat (15):والكثير الكثير ، يا حليله صاحبنا ماخذ مقلب بالتدخين:qtrat (1): <<<< يعنني مو أنا أوص لا أحد يدري لا تعلمون بنكمل على أساس أنه مو أنا :qtrat (3): ...

المهم أبو الشباب زي ما قلنا كالعاده رجع وقال لا خلصت من الجامعه يصير خير بترك هالآفه يا حبي له :hurt[1]: يدري بأنها آفه تخرج الحبيب وقال الحين عاد نبطل توقعون وش سوى بطل ولا ما بطل وإذا بطل تتخيلون كيف وضعه وإذا ما ترك التدخين وش تتوقعون قال هالمره بعد أيش بترك التدخين :qtrat (35): ...

كنت بكمل لكني تعبت لحين عودتي لإخباركم عن ما حصل مع ذلك المبتلي بتلك الآفة كونوا بخير .

لحظه لحظه ، على فكره أنا ما قلت لكم ليش هو يسوي كذا أقصد ليش يسوف ويماطل ويقول بعد ما أنجح أو أتخرج أترك التتن تتوقعون ليه وش السبب وطيب وش اللي ما يخليه يترك الدخان على طول أول ما يفكر بتركه ليه يعني يربط تركه له بأمر مثل الدراسه أو غيره ؟؟ بعد ما قلت لكم إنه طاح بالتتن وهو صغيّر ولو أنه على الخفيف وعلى فترات متباعده ومتقطعه لا وما علمتكم عن بعض الطرائف مثل شرب (الشخّاط) الكبريت نصيحه لكل الأمهات بأن ينتبهن ويلاحظن بأنه في حالة نفاذ علب الشخاط وإختفائها بشكل على غير العاده فإن بالأمر إن وإن تعود على أنه هناك من سيكون مصيره مثل صاحبنا بس صحيح أشوا هالأيام قليل من يستخدم الشخاخيط مش زي أول الحين مسدسات وولاعات لا وما علمتكم بالشجره العجيبه << أقول تراك صجيتنا ما علمتكم ما علمتكم طيب علم ولا خلك ساكت محد داري وبعدين أنت وش فيك أنت من البداية قلت ووضحت أنك ما راح تتكلم عن البدايات ها بدينا نخورا مو منك من كثرة قرقك

أقول الظاهر قبل كم سطر أنهيت السالفه وختمتها بكونوا بخير فما يصلح أعيدها مره ثانيه بعد أول مره أشوف موضوع له خاتمتين <<< أنا قايل هالصبح الله يستر ويعدي على خير ، عشان كذا روحوا مره ثانيه فوق وأقروا النهاية مره ثانيه معليش متعاجز أقصها وأنسخها هنا مره ثانيه ، عادي لا تنسون أن صاحبكم سهران :qtrat (8):