[مــنــــــآل]

المشاركة الأصلية كتبت بواسطة الوردة الظامية

-

حي هالطلة يامنال ..

أولاً لأني لا أجيد لغة الحوار كثيراً فأنا مقلة جداً في تواجدي في هذا القسم

لكن موضوعك هذا جابني على رأسي ..

قبل أيام كانت أحدى الصديقات تشير إلى جرح صغير في طرف اصبعها وتسألني : تتوقعين هذا الجرح من أيش

خطر في بالي كل شيء إلا أن يكون الفأر لكنه كان هو أذكر حينها أن صرختي وصلت بيت الجيران وهي بس

سيرته اللي جات فالمجلس أجل لو جاء هو

ليلتها عجزت عن النوم وأقول لأختي أسمع صوت خربشه عند التسريحة جاتني وسوسه مجنونة

المهم أني مثل ماقال أخوي الكنز عندي فوبيا منه بشكل غير طبيعي !

ولو كنت مكانكم مابغير مكاني إلا برجع بيتنا أبرك لي

ويسعدك ربي على هالموضوع الخفيف الذي حلّ عقدة قلمي واعذروني على الكلام بالعامي

بس ماتجي فأر وفصحى

أسعد الله قلوبكم

ربي يحييك ويبيقيك يالوردة ..
فديت راسك والله ..

في البداية أنا أشكر لك تواجدك اللي نورنا وأسعدنا لان من زمان ماشفنا لك أثر
وبالنسبة للغة الحوار .. فلا تشيلين هم يالغالية مجرد مرورك يكفينا
وماشاء الله عليك كلك على بعضك و وين ماتكونين رائعة بالحوار وغير الحوار ..

اعوذ بالله من الفار .. بالله صديقتك وش جابها يم الفار !!؟
وتصدقين أنا ذيك الليلة وربي ماراح من عيوني منظره
كان منظر بشع و مروع والله ما أبالغ

ولما جيت أسولف لأخوي أستغرب ..
قال كل وحده وش كبرها وتخافون من فار .. قولي برجلك كذا وخلاص
( يعني شوتيه ) ..
بالله من جد أشوت فار ؟؟!!

وربي صرت أناظر بأخوي مستغربه أقول له من جدك أنت ؟
قال ايه والله من جد.. صرنا نناظر في بعض أنا مستغربة منه ومتنحة أتخيل عمري أشوت فار
وهو مستغرب مني لكنه مبتسم ..
مدري وش سنع هالابتسامة اللي مالها داعي ..!!

وبالنسبة لرجوعي للبيت .. والله بغيت أرجع
لكن كنت جاية مع أختي ومالي سلطة على زوجها أقول لها تعال ودني لبيتي لأني خايفة من فار ..

الوردة الظامية ..
طلبتك .. لاعاد تغيبين لأننا نحبك ونشتاق لك ..
تحياتي