أخوي إحساس مهمل نعم نحن من أوجدناها ليس بإيجابياتها مع الأسف
بل بسلبياتها فكل ثقافة تحتوي على السلب والإيجاب ولكنا كما قلت
للأسف نكرسها بسلبيه تؤثر على كل جميل وتزيله وبالتالي كما تفضلت
تكون فعلاً ثقافة تسبب الزوال لكل قيمنا ومبادئنا وعاداتنا وتقاليدنا
المثال الذي سقته عن الجار قس عليه ما شئت من الأمثله وهي كثيره
ولكني وأنا أقرأ موضوعك تذكرت سالفه في أول سنه لي بالرياض
وكنا ساكنين شمال الرياض لمن لا يعرف شمال الرياض هو حي كما
يزعمون أهله متطورين حنا سكناه مو عشان متطورين ولا متحضرين
لكن عشان قربه للجامعه ، أعود لمحور حديثي مره كنت تحت بالشارع
ومر علي شايب وقال وين بيت فلان ياولدي قلت والله ياعم حنا عزاب
وتو ساكنين قلت أسأل أحد هذه البيوت طبعاً في ذلك الوقت كانت المدن
الأخرى الأصغر الحاره كلها نعرف بعض وأنا توني جاي الرياض ما أدري
عن وضعهم من هالناحيه والحمد لله لازلنا وإن كان بشكل أقل من السابق
نعرف جميع جيراننا على الأقل الإسم خرجت مره ثانيه ولكنه الحديث بهالموضوع
ممتع ويجر بعضه البعض ، المهم قلت له كما ذكرت أسأل أي بيت بالحاره لأنه
قال هو أحد هذه البيوت قلت أسأل أي واحد قال ياولدي هذولا ما يعرفون
بعض ما أحد يعرف أحد ما فيه جيره ، قلت طيب تقهو ، تصدق وش رد قال
الله وجرها من زمان ما سمعت هالكلمه قلت له عسى ما شر يا عم قال ياولدي أنت
من وين قلت من حائل قال أنا داري ما أنت من هالمدن الكبيره (لايزعلون علي )
المهم بعدها عرفت هالأمر ، إحساس سأكتفي بهذا القدر ، وشاكر لك ومقدر
طرحك القيم والرائع حول هذه الثقافه وما جرته من تبعات على المجتمع .