دخلت إلى غرفة .. النصرانية دوف ..
اخبروني أن هناك سعودي سوف يعلن حبه وتقبله ليسوع ...
أنا ضحكت بحق لم اصدق هذا ابدا ولو لم اشاهده واسمع الشاب لما صدقت الراوي
اتهمت دوف بالكذب ... وأنها تريد الاكشن من باب رفع عدد الزوار للغرفه
عبر نشر اعلانات ..في غرف المسلمين .. وبقية البرنامج ..
قالت انتظر وسوف ترى وتسمع لا تستعجل يا أسد .. هم مهتمين بي لأني
كنت دائم التواجد عندهم .. واصبحت معروف لديهم ..خاصه أني لا اسبهم
عضو مرغوب فيه ..ملتزم الادب ..
ولم استبعد رغبتهم في تنصيري ... لكن طاحو بواحد ..
مو سهل تعبر من امامه اشارة إلا يفصلها ويعلم مدلولاتها ..ومقاصدها
الان حصل ترحيب بالشاب السعودي اهلا اهلا اخونا الحبيب طارق
يسوع بيحبك وانت لازم تفرح أنك دخلت الملكوت .. ونجيت من بحيرة الكبريت
(نار جهنم ).....
تكلم الشاب اسقط بيدي .. لهجة سعوديه .. قريبة لي أنا بالذات ..
قلت في نفسي هذا من الحجاز سود الله وجهه ..
لكن لابد أن تعرفوا شيء ما .. أن كثير من من يدعون التنصر هناك
كاذبون هم في الاصل نصارى لكن من اجل الارباك ..بين المسلمين
وتسهيل تقبل الامر ..حتى لا يحصل استنكار في المستقبل أن سمعوا تنصر احد
من المسلمين ...
أنا كنت اظنه اردني أو عراقي يجيد اللهجه السعوديه ...
لم اقتنع ابدا وسويت لهم رجه هناك ... حتى طردوني من الروم ..
وبعد ساعة رفعو عني الطرد ودخلت ... لكن بعد خروج الشاب
طبعا أنا اضفت اسمه عندي في القائمة ... لكن للاسف كان محدد امر عنده
لا يستقبل سوى المضافين لديه هو ...
من بعدها وأنا كل يوم عندهم في الغرفة انتظره ابيه يفتح لي .. برايفت ( محادثه خاصه)
ويوم بعد يوم ما جاء .. انتظرته شهر كامل بعدها دخل ..
وتكلم وانا اقله أنت لو سعودي افتح خاص وتكلم معايه ..
يرفض ويسب الاسلام ... ودين ظلام كنت مغشوش .. هنا زعلت جدا
ايقنت أنه سعودي كلامه ولهجته ومفرداته ..كلها تدل أنه سعودي ..
حتى يقول شعر لتركي الفين ...
انزلت له كلام .. على العام .. قلت له ... ارجوك رجاء خاص منت خسران
أنك تضيفني ولا تنسى أنك ولد حمولة لا ترد من نصاك .. بس ابي اكلمك
هنا طردوني النصارى .. من الغرفه .. قالوا اسد هذا شيطان يوسوس
لك ما يبيك تكون في ملكوت الرب ...
وجاني الطرد مع اخر كلمة قالتها تلك الحيزبون .. وكانت تستخدم صوتها في استدراجه
وسوف ترون هذا ..
وبعد طردي .. حقق الله لي طلبي وجاني طارق خاص شكرته وقلت له بلهجه
يستقبلها كشاب يا ولد بغيت اموت وانا انتظرك شهر .. ضحك قال ليش
قلت أنت جدك تنصرت قال ايه جدي تنصرت وتعال معي والله اكتشفت اشياء
عندهم تؤكد انهم على حق .. ولا تظن اني انتسبت لهم بكلمتين لا انا لي سنه
وانا معهم .. لين عرفت الحق ..
قلت زين حلو كلام .. تدري والله انا كمان ابي ملكوت الرب بس يا اخوك ..
عندهم اشياء بصراحة ما تدخل بال احد ..ولا يقبلها العقل ..قال ما عليك
راح اجيب لك الام ..المكرزه بنت يسوع تبدد جميع شكوكك ..
هنا أنا ابي اكسبه لاني عارف أنه راح يردني بعدين فقلت خليني اعطيه أمل
في تلميحي للأنظمام معه ...
قلت طيب أنت ايش خلك تيقن بيسوع.؟ وخلك تشك في الاسلام يا اخي علمني
اخاف من بحيرة الكبريت .. واخاف بجد على اهلى ..
قال وجدت أن الصلب اللى في الانجيل موافق للقران..
مع ان القران ينفي .. لكن وجدت ان حقيقة الصلب موجوده وعليها خلاف ..
قلت اها ...والله كلامك صح ..هي موجوده وعليها خلاف بس حبيبي طارق
كيف تعاملت مع التثليث .؟ يا طارق أنا ابي اعرف كيف يكون الله ثلاثه
أنسان وملك والله ثلاثه في واحد بين الاقانيم الثلاثه .. لهم مشيئتين .؟
ادعي من يا طارق .؟
طارق تدري ابي اشوف حل للتثليث وان لقيت حل ..
ابي اكون معك ونكون اول من تنصر وامكن اطلع لك الرياض
وندرس الانجيل ..
قال لا ما ابي اقابلك .. قلت ليش. قال هم قالو لا تقابل احد ..
قلت طيب ابي اعطيك ايميلي .. هناك نتكلم هنا الشغلة متعبه
تسمعني واسمعك ... فعلا جاني على الايميل ..
هو جاني .. بس ... سمعته صح ايقنت انه منا فينا ..
قلت طارق وراك يا اخوي تتنصر وتتركني.؟
قال اسمع انا ابي اطلع .. امريكا .. قلت ليش.؟
قال يبون يرسلوني .. للقمص .. زكريا بطرس يعمدني هناك
قلت يعمدك يعني يفصخ ثيابك .؟ قال ايه عادي تعميد دين
قلت يعني يشوفك .؟ قال ايه ويروشني بالماء لانه تدري
أن مت وانت ما تعمدت ما تدخل الملكوت ..
قلت بس يا طارق أنا استحي ... ضحك وهذا اللى ابيه ادخال جو
الامان والثقه ...
قلت طيب يا طارق انت تعمقت في الانجيل وفهم الدين ... قال لا بس التشابه
بين الدينين .... قلت بس قال ايه ... قلت لا انا ابي يا طارق شيء يقنعني
ابي اعرف ... ليش تم صلب المسيح ..عندهم وكيف يصلب وهو الله
وكيف يتفلون عليه ويضربونه بالنعال ويحطون الشوك على رأسه ..؟
ابي اعرف ... ليش يقولون ...المسيح افتدانا من لعنة الناموس اذ صار لعنة لاجلنا لانه مكتوب ملعون كل من علق على خشبة)
كيف يلعن .. يا طارق
طبعا هو علق على خشبة وصلبيب الصلبوت خشبه يا طارق
بس ابي اعرف كيف يلعن نفسه بنفسه .. يعني يخرج نفسه من رحمته.؟
طارق حبيبي لازم نعرف اشياء كثير علشان نظمن انفسنا ..
قال اصبر ابي اجيب ... الام بنت يسوع .. قلت لا اتركها
خلها بعدين ما ابي استعجل مثلك ...
قال ترى كلهم مضافين عندي .. وكل اصحابي مسحتهم كل اللى معي الان
نصارى متعلمين ...
قلت ليش قال هم طلبو مني ...
قلت طيب ايش رأيك يا طارق .. نطلب مناظره بين المسلمين والنصارى ونسمع ونشوف ...؟ قال طيب مو مشكله .. بس لا تزلمني بشيء يا اسد
ما ابيهم يعرفون أني طرف في هذا ..
المهم طلبت مناظره رفضو ..
كل هذا والولد يزيد في سبه للاسلام .. وغيه ..
وانا معه على الايميل كل يوم ... ما ابي ابدا في المناصحه لين اجد أن الولد وثق في
طبعا أنتم تذكرون يوم كان يقلي ... يبي يجيب الام بنت يسوع.
انا هنا رديتها رد عكسي.. واتفقت مع شاب طالب علم سعودي
واعطيته الوضع كامل حتى يكون بالصورة ..
طبعا المسألة فيها دين واسلام وضيع شخص .. لا استطيع أن اضيعه لاني ابي
الاجر لي لوحدي .. واكون ضريته بهذا ..
قلت طارق ايش الاشياء اللى شفتها . ما ناسبتك في الاسلام وتركته لتجدها في النصرانيه.؟
قال كثير قلت ايش رأيك اجيب شيخ وانا وانت نجتمع معه في غرفة خاصه ونطرح عليه اسئلة .. ونشوف جوابه أن مقنع اقتناعنا وان لا ... أنت جيب الام بنت يسوع
وانا اسمعها وان كانت مقنعه ... راح اسافر معك واتعمد .اناوانت في صحن واحد ...
واافق طارق .. انا ارتحت لأني ميقن أن الدين حق ..ولم يتنصر الا بسبب جهله والشبه التي القيت عليه ...
اجتمعنا مع طالب العلم ... اخذ يطرح أسلة كثير من شبه النصارى والطالب يرد عليه فيها ... جلسنا ما يقارب اربع ساعات ..منها ما هو للرد ومنها ما هو للكلام والضحك .. من باب تكسب الولد لا يطير من ايدينا والله حرام راح اتجنن أن ما رجع وتاب
سوف اكمل القصة ... وموقفي مع ..
المكرزة ... الام .. بنت يسوع ..وكيف تكلمت معها
بحضور الشاب وكان نقطة تحول .. في حياته ..