[حسين الشمري]

مرحبا عالسهرانين بما أن الوقت الآن بعد منتصف الليل وش رايكم
أقولكم كم موقف طريف حصل لي أيام الدراسه ، ولكن قبل ذلك
أشكر جميع المدرسين اللي مرو علي بحياتي وما عمري حقدت
عليهم ولا على غيرهم مع أن هناك ظلم صادفني كما أن هناك من
ساعدني إلاّ أني أدعوا للجميع بالخير هذا أولاً ...

أما ثانياً وقبل الخوض بتلك المواقف أحب أن أبين
ما أنا عليه أيام الدراسه الثانويه خاصة وباقي المراحل بشكل عام
كنت يعني وسط أقرب للمشاغب ولكن دون أن أزودها << والله مرات
نزودها المهم كنت أحب الضحك و(الأفشات) إلاّ أني كنت دائم ما أكون
من المتفوقين الثلاث الأوائل في كل المراحل إلاّ بآخر سنه والجامعه خربتها شوي
لكن عدت الأمور على خير ، هما موقفين ...

نجي للمهم المواقف :

الموقف الأول : مره طردنا من المدرسه لإحضار أولياء أمورنا كنّا ثلاثه
الله يذكرهم بالخير على طول ضحك ، المهم رحنا أفطرنا عند واحد بالبيت
ضحك على أمه وقال لها نبي نفطر ونرجع للمدرسه اليوم المقصف مقفل
وبعد الفطور قلنا ها يا شباب وش السالفه وش السوات ، فكرنا وحنا قاعدين نمشي
بحارة خوينا اللي أفطرنا عنده مر واحد بالشارع وقال فلان قال هلا قال تصير ولي
أمري وتدخلنا المدرسه ، قال تم المهم قاله خوينا أنت خالي وأنا ولد أختك وهذا جارنا
والثالث مدري وش تصيرفتنا له ناسي الحين لكن مالها داعي مثل سالفة ولد جيراننا
المهم رحنا المدرسه ودخلنا على المدير وقال خويي هذا ولي أمري وحنا رازين وجيهنا معه
قال المدير وش يقرب لك الطالب قال أنا عمه جاب العيد قال الطالب لا أنت خالي المهم المدير
قال عطني أثباتك تدرون وش طلع تخيلوا طلع كرت صحي كرت أعصاب (نفسيه) قراه المدير
وأنهبل قال طيب رح أنت خلاص بدخلهم المدرسه لما طلع الرجال اللي جبناه قام يصيح المدير
وقال أطلعوا برى وواحد ما يجب ولي أمره لا يحلم يدخل .... <<< فلم هندي مو موقف

تعبت الموقف الثاني بعدين