[خالد العبدالله]

السلام عليكم

أخوي حسين الشمـري


مساء النور و السرور ..

شوف .. أنا صار لي هالموقف مع عبدالله أخوي
طبعا" عبدالله أصغر مني بحوالي 8 - 9 سنوآت .. هو ألحين بالكليه يدرس تقريبا" آخر ترم

جاني بطريقه أو بأخرى إنه طايح بالدخآن .. وبحكم إن اخوي الكبير فهد يدخن .. ماحبيت أسوي فيها زحمه و أهايط على عبدالله
جيته من بعيد لبعيد .. وبديته بسؤال عن ( فلان ) من الجماعه .. واحد يمشي هو معه .. قلت له هو يدخن .. قال إيه .. قلت الله يستر لايطيحك بالدخان
ابتسم هو وحس إني أدري خخخخخ

قلت شوف .. أدري بك طايح بالدخآن لكن تماكن نفسك ( تماكن = ألحق على نفسك بلهجة حايل )
قلت له تماكن نفسك .. لاتكبر ويكبر معك الدخان وتبتلش بعمرك .. تصير مثل فهد هذا هو يستحي حتى يدخن قدام ولده .. تخيل بكرآ إذا فهد قال لولده لاتدخن .. وجاه الولد وقال ( يبه إنت تدخن ) .. وقتها وش بيصير وجه فهد ؟

سكت عبدالله .. وكملت المحاظره .. قلت له ليه حنا متعودين نخطي بنفس أخطاء غيرنا .. ليه نشوف غيرنا يخطي ويتعب بنهاية الخط ونروح نبدأ بنفس الخط اللي هو بدأ معه .. ليه مانبدأ من نهاية الخط اللي وصلوا له الناس اللي أخطوا ؟
قال شلون .. قلت ألحين فهد تشوفه يدخن وشوف صحته .. شوف صحة ( عياد السعد ) .. هذا شايب أظنه توفى الله يرحمه .. قبل أروح باكستان مر على أبوي مره وهو حاط جهاز على حلقه .. مايقدر يتكلم إلا من هالجهاز هذاك .. الجهاز يعمل عن طريق فتحه بـ ( حلقه )
يعني حلق الشايب هذاك مفتوح فيه فتحه .. عشان يتكلم بها عن طريق الجهاز اللي يدخله بالفتحه .. منظر مقزز ورب الكعبه .. حتى اللي مايدخن يخاف فما بالك باللي يدخن

وصلت الفكره لعبدالله وبدأ يتحسس .. وفعلا" راح لـ ( مكافحة التدخين ) اللي بحايل .. لهم مكتب بكل مدينه أظن .. وتعالج عندهم لأنه كان توه ماخش جو بالتدخين .. يعني تقريبا" مبتدئ

لكن بعد مارجعت ألحين من بآكستآن .. صرت أشم معه ريحة دخآن
:(

لكن ماراح أخليه .. بس إني أقط عليه كلام بين فتره وفتره .. يعني ما أضغط عليه .. لا
مثلا" أقول له ( اترك عنك الدخان .. لو به منفعه كان انا دخنت )
أو
( مالك نيه تترك الدخآن يابطل ) !
أو
( الدخان لو فيه زيادة مرجله .. كان علمنا عليه أبوي )

هالكلام ما أقوله لك بأي وقت .. لا ؟
أقوله مثلا" وهو طالع للإستراحه .. أو هو رايح مشوآر
ليه !
عشان وهو رايح .. يقعد يفكر بكلامي

بعكس لما أقوله له وهو بالبيت أو بينام .. بينسى كلامي
لكن أعطيه وهو طالع عشان يفكر بالخط












خ.الـد