::
طار طير الشوق من صدري وحام
....................... بيح اسراري وانا من اول كتوم
يارفيق الحرف أنا عندي كلام
........................... ودي اسولف ولو مالي لزوم
الظوامي حدها طول الهيام
............................. والموارد بعدها بعد النجوم
هذي حروفي شكت ليل العدام
................................ بالية مثل القديم من الهدوم
لا تزخرف لي من احلامك وشام
............................ شوف صدري أمتلا كله وشوم
أرفعي عني الملامه والملام
............................ أخطر الأفكار في راسي تحوم
تضطرم في راس شاعرك اضطرام
.............................. مثل ظل الجمر أو ليل السموم
هذا بعضي ما وصل حد التمام
........................... خذ خريفي واعطني غيث وغيوم
وين عيد الفطر ياعمر الصيام ؟!!
............................... شاب فجري فيك ياليل الهموم