أتيتكم بكذبة رجالية .. في الصميم ..
كان هنك شاب في الحي .. وكان نار على علم ..في عالم الكذب
ويا حض من يجده في ساعة ملل وطفش .. يبي ينبسط ..
ويوم تقصدته .. ورحت يم بيته ولقيت عنده مجموعه محتشده تبي تسمع الكذب
شعب رهيب جدا يقدس الكذابين .. طبعا ملنا غيرهم هم سلوتنا ..
جيت في نصف القصة .. وهي بعد عرفتها كامله
أنه واخوه راحو منطقة ريفيه ..مع العائلة .. وامهم ارسلتهم ..
يجيبون تميس ... خبز افغاني
يقول أن الطريق ظلمة وفيه بير .. بجوار الطريق ...
وهم راجعين ... طلعت لهم جنيه .. او روح شريرة
اخوه شرد ما تنشاف غير غبارينه على حسب الراوي
وهو تسمر من الخوف .. يقول عيونها حمراء تولع نار مثل اللهب ..
جميلة جدا جدا جدا ... قالت له تعال ساعدني
وحنا مبسوطين من القصص هذي ... اللى جالس يشرب ببسي
ويسيل على ثوبه من شدة الاندماج ... واللى حاط راسه على كتف خويه
جو جو ينصح به بصراحه ..
يقول لما قالت تعال ساعدني راح الخوف جيتها قلت بس بسرعه امي تنتظرني
ونبي نتعشا ... قالت الامر بسيط ...
في رجال اسفل البئر .. انقذه يقول هي تتكلم ويجي ضباب
وهي تتوارى خلف الضباب والكلمة تبعد انقذه .. انقذه ... انقذه
لين اختفت مع صوتها ..
يقول رحت البيت لقيت اخوي تعبان .. جلس يومين ما يتكلم من الخوف
واخوه جالس يقله مو صح وهو يقول الا صح
رجع للبئر دخل وجد رجال .. مقطع وصله وصله ..
يقول والمه في كيس كبير ... واجيبه عند امي ..
و تخيط جميع جسمه وقام الرجال وقال شكرا الله يسعدكم
أنكم خيطتوني ...
يا عيال اللى مو مصدق ترى امي فيه مستعد اخليها تقلكم ...
وحنا مصدقين يا حضك بالله نبي نشوف الرجال اللى خيطته امك يرحم ابوك
نبي نشوفه ...
يقول لا مقدر سر هذا ..
ليش يا اخي تكفى نبي نشوفه ...
قال الرجال الان راح الى جزيرة اسمها جزيرة الجماجم الحمراء ..
يا قوه عليه كذب وحنا صغار لنا الله ..
قال الجزيرة فيها وحوش كثيرة أنا رحت شفتها شفت وحش بسته وستين رأس
كل رأس يأكل خروف لوحده ...
وفيها عفاريت زرق وخضر وحمر ..
وحنا جالسين مفهين فتحين فمينا ..
قصة طويلة جدا نسيتها .. لكن جبت لكم المضمون ..
خياطة الرجال هي الابتكار الرهيب في القصة