حائطي
سجل دخولك او إضغط هنا للتسجيل
السلام عليكم اختي منال عليك السلام ورحمة الله وبركاته الواتس اب ، فجر اشياء كثيره وبدل اشياء اكثر ، بالنسبه لي ، وبحكم بعدي عن حايل واعلي وناسي هناك ، اشتركت بامثر من قروب فيه بعضواصدقاي وبعض اهلي وبعض عيال عمي ، منه صرت كأني بينهم ، يحسسني اني بمجلس واحد معهم اعرف من اللي اعرس ، من جاه مولود ، من صار عليه شي / لكن وبحكم اني ( نشبه ) ، فاللي يرسلون الرسايل اللي تقولينها والله اواجههم واطلب منهم اثبات او مصدر ، حتى بعض القروبات من ينزل كلام او خبر على طول يقولون هات المصدر قبل يجيك خالد بالبدايه كانوا يعارضوني كثيرين ، ويقولون ياخي انا تصدقها او خلها محد حطك محامي كنت ارد عليهم واقول : اني ما احب أأجر عقلي لكل من هب ودب ياتجيب خبر صحيح او تراك تسجل نفسك كذاب بيننا و بكتاب اعمالك بعد مع الوقت صرت اعشق التصدي لهالرسايل ، لين الحمدلله صاروا بعضهم مثلي ما انكر اني بعض المرات ينشبون لي بعد ، بس اعتذر واعترف بخطاي ، فيه حساب بتويتر عن الشائعات ، حساب رسمي ويتعامل مع الاشاعات سريع سريع نفعني كثير بالتصدي لهالاشياء ، ، رغم ان بعضهم زعلوا مني ومن طريقة تشددي باخبارهم ، الا اني ما اهتميت لان مادامه يقول هو مجرد خبر ، طيب ليه تزعل ؟ عموما" ببقى ان شاءالله كذا ، لكن المشكله وين ! المشكله ان الاخبار الصادقه تختفي ، والكاذبه تستمر بعضها ابحث عنه بالنت القاه من اربع سنوات والله ، شي يقهر صرت اردد كلمه على اي نقاش يكون بالواتس عن هالموضوع ( صرنا نكذب ، لتمرير الحقيقه ) !!! خ . آلد