السلام عليكم
للأسف يا رونق هالأيام صار ما فيه شي يوسع صدور هالعيال أبد .. مدري ليش ؟
كل ما اقترحتي عليهم إقتراح نطوا بوجهك تقول تشتغل عندهم
إن قلت وش رايكم أسفركم بهالعطله ونروح نغير جو ؟
تعالي عاد .. فيك خير واقنعيهم بالمكان اللي تقترحينه عليهم
وإن قلت خلونا نروح نزور خوالكم بالشرقيه ونستانس معهم كم يوم ... قالوا يبه فكنا واللي يرحم والديك
الشرقيه حر ورطوبه وشايفينها مليون مرّه ومالييين منها ومن شوارعها وبحرها والعابها
وبعدين تو حنا شايفين خوالنا وشبعانين من شوفتهم .. حلااا هي؟
وان قلت طيب نروح لمكه والمدينه وناخذ جوله على جده والطايف ونوديكم للبحر ونتمشى فيها كم يوم
قالوا بللا يبااااه .. هذي سفره ؟
مسافرين ومسافرين واتلاتها تفرررنا فرّه شكبرها بالسياره بيومين ثلاثه وترجعنا ؟
ما تسوى علينا تكسّر رجولنا بالسياره كل هالمسافات
وان قلت طيب نروح للجنوب .. جوها حلو وامطار ووناسه قالوا شايفينها ومالين منها ..
طيب وين تبونّا نرووو ح ؟
يردون عليك ما ندري .. مالنا شغل .. المهم تشوف لنا حل بهالعطله وبس
وآاااخر شي تزهق منهم وتصرخ بوجيهم وتقوم
بس هالسنه ناويلهم نيه بس ماني معلم فيها .
بخليها مفاجئه لهم
سلام