[align=center][tabletext="width
0%;background-color:black;"][cell="filter:;"][align=center]توقعتك على باب الرجاوي تنتظر لقياي =حسبتك نار من الاشواق تنطر غيم يطفيها
تعبت الملم مزوني واقطر من ظروفي ماي =تعبت انسج من همومي قصايد بك اسميها
كتبتك شعر في ديوان قلبي زان به معناي =جعلتك نوتة ألحانٍ مع انفاسي أغنيها ..
رسمتك صورة العوده للاوطان من منفاي =واظنك نفس هالصورة بجوفك لي مسويها
خليت اصابعي بأذني عن النمام والوشـاي =رفضت اسمع كلام ٍ عن بريئه جل باريها ..
وقلبٍ منحرق منكم يسير لداركم مشّاي =مشى لك فوق رمضا البعد مافكر بتاليـها
جريح شاف في شوفك دوا جرح الهوى ودواي =يظنك دام في كفك دوا روح بتشفيها
يظن الهـم لو يظهـر بداري تقتله لرضـاي =ولو دمعة تبي تهرب، تجي انت تداريها
يظنك قبل ما لمّح بتعرف بالهوى مغزاي =وتفهــــم قبل مــــــا أنطق حروفٍ كنت ناويها
لقيتك ناسي الموعد وناسي انني لك جاي=لقيتك ساكن بوادي سوى اللي خابرك فيهـا
لقيــتك منتقل عني وعن داري وعن مأواي =لقيتـك شايل بصمة هوانا عن مواطيهـا
لقيـتك تمسح احلامك من كتاب الامل ويـاي =تقص اوراق قصـة حب انا وياك نرويها
ومن شفتك على هذا مُصرّ ومعتمد ذاالراي=بديت اسحب جنودي عن ميادينك واخفيها
حسافه يا سبب همي وانا اظنك عزا بلواي =حسافه يا سبب ويلي ونفسٍ بك أمنيها
حســافه يا حكم ظلمي واظنك عادل ٍ بقضاي =حسافه يا سهر ليلي وعينٍ كنت غاليها[/align][/cell][/tabletext][/align]
محمد سهيل الراشدي