[الكنز]

السلام عليكم والرحمه
/
كتبت رد مطول العصر ..لكن النت ضيعه وراح التعب هباءا" منثورا ..!!
عالعموم ..والمووهم .!
/
اختي منال
هذا ..هو واقع يومي نعيشه كلنا ..ونشوف تفاصيله !!
جميل هو طرحك وسردك الممتع للمشاهد التي شوقتينا لمتابعتها الى النهايه .!
/
بالنسبه للصراف الالي والرجل
والله استغرب من رجولة اخر زمن !! الله يهديهم !!
المفروض يفسح لك ِ المكان وتخلصين من الصراف ..وعقب يدخل هو وغيره !!
وهذا هو اللي نسويه نحن عندما يصادفنا نفس الموقف مع النساء ..!!
لكن كلمه اقولها دائما" وهي أن مجتمعاتنا تحتاج الى مزيد من الثقافه بالسنع .!
بالنسبه الى الشغاله .والصغير
أنا أتوقع اهل الصغير مشوفينها الويل ويضربونها ..وهي تفرغ بهذا الصغير
وكما تدين تدان ..ومع ان بعض الخدم لايخلون من هكذا تصرفات لانسانيه !
بالنسبه الى الرجل اللي ماسك ايد حرمته !
والله اشوفها مافيها شيء ..ويمكنه مسافر والرجال صلى جمع وقصر اشدرانا
تدرين يامنال ..مثل هالشوفات انا اقول مافيها خلل لاننا نحتاجها حتى ببيوتنا
لان صارت الرومانسيه شيء مستغرب فعله وجميل الكلام فيه !!
الاجانب اعمارهم بال85 ويمسكون ايدين بعض ويتمشون بسفرهم
ونحن ننتقد حتى المتزوجين والمخطوبين على مسكة ايد حللها ربنا !!
بالنسبه للبنت المستعجله بالطابور
غريبه مافيه نظام ببنده عند كاونترات الكاشير اسمه (لأقل من 10 قطع) وهذا موجود بكارفور !!
لان هالمساكين اللي متسوقين 5-10 قطع تطيح رجلينهم من الانتظار خلف طابور
العربات الممليه بعشرات القطع ان ليس المئات !!
هي ما احسنت التصرف لان الخيارات قليله... وان شاء الله تعلمت من هالموقف اللي صار
/
اختي منال
تمتعت كثيرا" بقراءة موضوعك والرد عليه
لك من كل باقات الورد ورد ..ومن كل الشكر شكر
تسلمين
تحياتي