[مــنــــــآل]

المشاركة الأصلية كتبت بواسطة حلا

السلام عليكم ورحمة الله وبركاته ..

اهلاً رونق
بداية أشكرك على الطرح الرائع والموضوع الشيق .. وليس بغريب على الرونق

بالنسبة للحيوانات
يعجبني منها السمك ..منظره و الوانه وأنواعه وأحب أحواض السمك كثيراً في المنازل.. ودائما ما أتامل في خلق الله لها دون ملل ..
والخيول اعشقها وأعشق رسمها ومن أمنياتي أن أتعلم الفروسية والجري بالخيل ..وإن شاء الله يفتتحون نادي فروسية نسائي بالرياض
والكلاب.. من أكثر الحيوانات التي وددت امتلاكها لولا تحريمها لغير الحراسة .. فهي رمز للوفاء والصداقة

أما من ناحية تربية الحيوانات سبقت لي تربية طيور وسلاحف وهامستر منذ سنين لكنني لا امتلكها الآن ولا ارغب بامتلاكها
اتمنى أن امتلك خيل

احب القراءة عن الحيوانات عموماً

وبالنسبة للمواقف مع الحيوانات تحصل لي كثييييير وبطل هذي المواقف "القط" لأنه بالنسبة لي كائن مرررررعب
أخاف منه أقصى درجات الخوف وياما وياما بكّــاني
وسبحان الله على قد ما أكرهه على قد ما يطلع لي في كل مكان
لدرجة أني صرت أمارس طقوس غريبة كل ما طلعت حوش بيتنا لازم اضرب على الباب بيدي قبل ما اطلع الحوش عشان اذا فيه بسه تهرب قبل ما اطلع وبعدين أطلع ! المشكله الخطه دايماًً تفشل
ولا ازال أكررها ...

.........
موضوع خفيف وحلو
رونق شكراً مرة اخرى

*

أهلين وومرحبتين بالغالية حلا
الأسماك حلو منظرها يعجبني بس احيانا احس كأنها ألعاب تتحرك
كان عندي بالبيت حوض سمك وفيه اسماك حلوه ملونة
وكنت دايما اجلس بالمطبخ احط ايدي على خدي واناظر لهم
بس مدري احس ماعندهم هدف بالحياة ماغير رايحين جايين حسسوني بالقلق والملل
بس الحمدالله اولادي كسروا الحوض وفكوا امهم من مراقبة هالاسماك

اما الكلاب و البساس فكلهم ما أحبهم واخاف منهم
والبس هبل فيني على ايام المتوسط وياما فاتني باص المدرسة بسبب هالبس
كنا نسكن في عمارة ولما اجي ابي اطلع من شقتنا وانزل من الدرج القاه جالس لي عند باب العمارة
كأنه يقول لي في امك خير مري وعدي من يمي .. واسمع صوت الباص قريب
بس ماقدر اعبر ولا امر واقفين انا وياه يناظر لي واناظرله
بس بعدين خليت امي تنزل معي قلت بتنزلين معاي وتتصرفين مع ذا البس
والا ماني رايحة للمدرسة

/
\

أختي حـــلآ
شكرا من القلب على هذا الحضور
وامانة انتبهي اذا فتحوا نادي الفروسية
لاتركبين الحصان اخاف يهج فيك عاد لافيه بوري ولا بريك ولاشيء
هذا انا حذرتك ..
تحياتي يالغالية