فتحت الصفحة وانا مو عارفة وش اللي بكتبته وش اللي بقوله
لكن متأكدة أن بداخلي حكي يبي يطلع من القلب بدون زخرفة ولاتنسيق
ما أدري .. الناس تتلاقى مع الناس لاجل تشقيها ؟
والا الناس تتلاقى مع بعضها لاجل تمنحها الوفاء وتعطيها ؟
أحيانا ً .. تجمعك الأيـام بناس تظن أنهم مجرد ناس عابرة بحياتك
ماتكن لهم لا مشاعر كره ولاحب لاتبغضهم ولاتودهم يعني ( عادي )
ولآ ظنيـت أن الايام إذا شدت شدايدها معك بتلجأ لهم أو بتلقاهم بوجهك
ماهوب ســوء ظن فيهـــم أو بشيمهم ونشامتهم واخلاقهم .. لآلآلآلآ
لكن لأن مابينك وبينهم شي يخليك تفكر أنك بتلقاهم أذا اسودت الايام بعيونك
إلا أن الأيـــام تفاجئك بعكس هذا تماما .. تصاب بالدهشة والذهول
كيف اللي مايربطني فيهم لا حب ولا شعور ولا دم ولا ايام عشناها سوا
يياقفون معي بالموقف هذا !!!!؟؟
وأحيانا ً .. تجمعك الأيــام بنـــاس تظن أنهم حياتك الجاية
يعني خلاص بيكونون معك على طول المسافة
ويقولون لك ( احنا لك ظهر وسناد .. مهما صار بنكون يمك ماراح نخليك )
وأنت بكل سذاجـة وغبـــــاء تصدقهـــم .. تصدق أنهم ناس ينشد فيهم الظهر
وتصير معاهم أيام وسنين وتعطيهم قلبك و وقتك وكل مشاعر صادقة
وقبل لاتحتاج لهم تشوف هروبهم عنك وعن أيـــامك اللي عاشوها معك
ويحق لهم يبتعدون لأنهم مصابين بالتخمة اشبعوا منك ومن عطاءك و ايامك
وصاروا يحسون أن أنت وعطاءك ماهو إلا روتين مايشعرون بمذاقه واعتادوا على تناوله
صابهم الملل منك وبحاجة للبحث عن ناس تعطيهم عطـــاء مختلف عن عطاءك الساذج ..
وهنا تذكرك مقوله قرأتها ذات يوم ...
( لآَتعـطـي كثــيـرا ً .. حتى لآَتـنــدم كثيـــرا ً ..)