/
\
أول حدث الآن يتعلق بأسلوب بعض المدرسين و وزارة التربية والتعليم
اللي تعين مدرسين مرضى نفسين ويعانون من شي نجهله .. ( طبعا ً ما اعمم )
ناسين أو متناسين أن مهنة التدريس تربية قبل أن تكون تعليم ..
صرنا شعب مهزوز ومذلول في كل شي وفي كل مكان نلقى الإهانة والذل
حتى وصل الذل للصغار في مدارسهم ..
/
\
أنشغلت بتحضير وجبة الغداء للأولاد .. فهم على وشك الوصول من مدارسهم
وانا على وشك الإنتهاء من التحضير للغداء ..
دخل ولدي الصغير ( رآبع إبتدائي ) من المدرسة وبه عبرة ودموع حائرة بعيونه
ولم يسلم علي ولا يبتسم كالعادة ...
سألته ( شفيك ..؟ ) فأجاب ( مافيني شي :( ..)
ولكن ملامحــه تخبر بأن هناك أمرا ً خطيرا ً حدث له ..
وعاودت سؤالي عليه
وقال ( انا ألف مرة أقول لكم انا ما ابي اروح مدرسة وأنتوا تجبروني عليها )
قلت ( وش اللي صار وخلاك ماتحب المدرسة وتزعل كذا ..؟)
فقال ( أنا بقول لك بس بكرة ماراح أروح للمدرسة أبد )
قلت ( أبشر ماتروح المدرسة بس علمني شفيك )
فقال ..
اليوم الحصة الآخيرة كان علينا قرآن سورة الجن ..
وأستاذ خالد قال بخلي ولد يقرأ وانتوا لازم تتآبعون معه بالتلاوة
وتحطون أصبعكم على الآيات اللي يقرأها الولد
واللي أشوفه مايتآبع معه بكسر أصبعه ..
وكان أستاذ خالد يتمشى بالفصل ويراقبنا على شان يكسر أصبع اللي مايتابع الآيات ..
وهو يردد اللي مايتابع بكسر أصبعه .. وانا كنت متابع زين بس لما وصل أستاذ خالد عندي
ضيعت الآيات اللي وصل عندها الولد .. قال لي أستاذ خالد ليش ماتتابع؟
وقلت إلا أنا متابع زين .. وقال لي طيب اذا انت متابع زين علمني الولد عند أي آيه واصل
ورحت أدور الآيـــة بس مالقيتها ضيعتها غصب عني
فقال تبي أكسر أصبعك ..؟؟ قلت لآ .. قال إلا أنا بكسر أصبعك
هات يدك وقلت له أستاذ أنا فيني سكر وأصابع يدي توجعني
قال هات يدك على شان ثاني مرة تتابع مع الآيات ..
وأعطيته يدي وحط قلم رصاص بين أصابعي وضغط على أصابعي بقوووة
حاولت أتحمل بس ماقدرت وبكيت ...
قال تبكي بعد هاه !! وقام يضربني على كتوفي وطاحت نظارتي بالأرض
ولما نزلت أبي آخذها صار يضربني على راسي
وبعدين جاب قلم خطاط لونه أسود وصار يخربش على وجهي
وانا ماقدرت أتحمل قمت و وخرت يده عني بقوه وأخذت شنطتي وطلعت من الفصل
ورحت للوكيل أشكي له ..و قالي الووكيل عادي عادي
أنت صير عاقل وما احد يضربك وكانت الحصه الآخيرة وجينا للبيت ..
هذا اللي صار لي اليووم
/
\
قلت له .. تحلف أن هذا اللي صار بالضبط
وان أستاذ خالد ضربك وشخبط على جهك بالقلم الخطاط ..؟؟؟
قال والله العظيم يايمه أني ما أكذب ودقي على جيرانا وأسألي ولدهم علي
هو معي بالصف وشاف كل شي اليووم .. وشوفي بعد أثر القلم بوجهي
غسلت وجهي وماراح كله باقي ..
قلت له لاتبكي خلاص أمسح دموعك وانسى اللي صار
وانا بكرة أكلم المدرسة وأشتكي للمدير على أستاذ خالد والوكيل اللي قال لك عادي ..
/
\
يتبع ...!