مـطبـخ نـواعـم .. :)

[نيفين عبدالله]

تفضلوا شاي العصرية

مع شوية نقنقه

[مــنــــــآل]

نيفين لاشك أن صورة الأكل مغرية مرة
بس وين خطواتهـــــــــآآآآآآآآ ..؟
نبي نشوفك وأنتي تشتغلين فيها ..!!



ننتظر

[مــنــــــآل]

توتة .. وتاليتها معاك يعني ..؟؟

وأبلة بدرية ومرام .. وينكم

والهيام شو آخر أطباقك .. أدمنا أكلك والله

وأم السمك مريومة نبي طبق ثاني بعد

[هيــام]

..


طيب , هاد المفتول أكلة فلسطينية طيبة كتير
وهو أصلاً عبارة عن سميد و طحين بينعملو بطريقة معينة مع بعض
طبعًا لو أشرح من هان لبكرا ماراح تعرفوا كيف بينعمل إزا أنا ما بعرف أتقنو
هاد شغل الحريم الكبار حاولت أتعلموا من أمي الله يحفظها
طريقة الفتل بس ماش متل الأطرش بالزفة صعب كتير
بعرف أطبخو و أضبطو و كل شي إلا الفتل واقف لي متل النشبة
الله يخليلي أمي بس
المهم بيمتاز المفتول بأنو أكلة بتنطبخ عالبخار
نفوت بالطبخة و المقادير ..
* 2 دجاج أو لحمة ع حسب العائلة
أحنا ما بنحب اللحمة يا منال لهيك طبختو بالدجاج
* 4 بصلات كبيرة مقطعة شرايح
* 3 كوب حمص مسلوق
2 علبة صلصلة
* 6 حبات جرز + 6 حبات كوسا مسلوقة طبعًا
طيب الصور هلا بدون ما أحكي أفهمو , بعدين ما صورة ألكم الفتل
بتعرفوا شغل بيتوتي و كتير عجقة كان فما لحقت
نطبخ الدجاج كل وحدة متل ما بتحب بس لازم نحط عليه صلصلة طماطم


هاد المفتول بطنجرة خاصة طبعًا متل المصفاة بس بدخل البخار
لحتى تسويه لأنو ما بنحط عليه ميّ نهائي



في نص الطبخ بنطلعو و بنحطو بصحن بنحط عليه زبدة و بنطحن بصل و عين جرادة
و شوية بهار و بنخلطهم سوا و بنرجعوا لطنجرة البخار
و هاد بعد ما نضج و صار جاهز , ما أزكاه بالسكر أنا بحبو بالسكر أكتر من الشوربة




طبعًا ألو يخنة خاصة و راح أفرجيكم كيف بنعملها , أول شي البصل ولازم يدبل



بعدين بنضيف الحمص المسلوق عليه و بنخليهم شوي



بعدين بنضيف علبتين الصلصة + معدل 2 كأس مرق من شوربة الدجاج
و بنضيفهم ع الحمص و البصل



بنضيف كل التوابل و الماجي كل وحدة متل ما تحب و بنضيف كمان الجزر و الكوسا المسلوقة عليهم و نضيف شوية ميّ كمان
و بنخليهم شي ربع ساعة ع النار



وقت التحضير , بنشرب المفتول بالمرق + شوية من اليخنة و نحركه لين ما كلو يتبلل


و هاد الشكل النهائي بعد ما نوزع اليخنة ع المفتول



و بالهنا و الشفا , بعرف ماراح أحد يجربو بس حبيت أفرجيكم هالأكلة الشعبية
كتير طيبة و بتفتح الشهية والله ..!

[ماااريا]

..

الصور هون عم تحكي

باين كتير زاكي ..


بس طريقتنا مختلفة شوية باليخنة

بدل الكوسا والجزر قرع وبصل وطماطم ..

بس اول مرة اسمع ان حدا بياكل المفتول بسكر ههه

لكن عموما حسيت انك ست بيت معدلة يا هيومة

على فكرة بنتظر جديدك بفارغ الصبر

ولو ان ما عندي مشكلة بتنزيل الصور بالمنتدى كان نزلت صور كتير للحلويات والاكلات


تحياتي لالك

يعطيكي العافية

[مــنــــــآل]

هيام الأكلة حلوة والله
ولو اني مافهمت شي بنوب بنوب .. بس عرفت انها اكلة حلوة
والظاهر ان اليخنة عندكم .. عندنا اسمها كشنة << يمكن مو أكيد

لك تحياتي ياقلبي وللجميع ..!

[هيــام]

..


ماريا , كمان أحنا بنحط قرع حبيبتي بس بتعرفي ع حسب
يلي موجود بالبيت فـِ شي بدل شي فاهمة عليّ
بعدين كنت قبل بضيف طماطم بدل الصلصة بس من جديد بطلت
و حبيت الصلصة أكتر من تقطيع الطماطم بحس طعمها أضبط جربيها
+ أسكتي بس جربي المفتول مع شوية سكر و حركيهم يا أن طعمها خيال
بعرف عم تحكي عشنا و شفنا بس جربي بالسر و خبريني راح تجيك العدوى متلي
فرجينا شغلك ماريا كتير حابه أشوف طبخك و لا تتحججي برفع الصور
و مش عارفه شو ع هامان يا فرعون
منال , بعرف ماراح تفهمي شي حكيتلك هاي أكلة شعبية حبيبتي
حبيت بس أفرجيكم كيف شكلها , أمممم كشنة ما بعرف أول مرة أسمع هالكلمة
بس أزا بدك تكون متلها فـِ ليكون
يسعدكم يارب كتير مبسوطة فيكم ......!

[مــريـــم]

الله يعطيك العافية ياهيومة
ويبارك فيك كلها طبخاتك منظرها يجنن وإن شاء الله بأجربها
بس مشكلتي إني أطبخ ف الأسبوع مرة ومنيت بالطبخة بقيت الشهر
سويت شي مو بسيط بس إن شاء الله سحابة كسل تمر وبأسوي لكم
عجائب الطبخات الشعبية عندنا
تحية لكل البنات هنا

[ماااريا]

عزيزتي هيام ..


راح اجرب على ضمانتك ,.. بالسكر ..

بس بوعدك لما اطبخ لما يعني واكبر هههه بفرجيكي اياهم .

انا هلأ ما بطبخ بدك ما حدا ياكل بالبيت يعني هههه


والله جد عندي مشكلة بتحميل الصور ما بعرف ليه

وعملت ترقية للمتصفح وخربطة كتير على الفاضي

بس بدي احاول طريقة ويارب تضبط ؟..

تحياتي

[ماااريا]

هاي الصورة حملتها عن طريق المنتدى بالتوقيع وضبطت بس متعبة








صورة0747. jpg



صورة0741.jpg